الطمع ضر مانفع .... الخ !
إقبلوها
كما
هي
[RAMS]http://www.x26x.com/sukar-madrid/Al-Bahli-Shant-W7ant.mp3[/RAMS]
/
\
/
\
لتحميل القصيدة إضغط على الرابط بالماوس باليمين واختر حفظ الهدف بإسم .
,
http://www.x26x.com/sukar-madrid/Al-...hant-W7ant.mp3
/
\
شانت وحانت يوم هانت طرحة الراس الرذيل
. . . . . . . . ماتنترقع دام صار الشق للخايب شعار
,
الثوم فاحت ريحته والطيب عيا لايزيل
. . . . . . . . مصلعة ومشلعة يسخر بها حتى الصغار
,
مابين مسترزق وبين إنسان خايف أو عميل
. . . . . . . . الظلم قايم بالقلوب الغلف صاير مستشار
,
ياهل الدنائة والردى والحقد والقلب الغليل
. . . . . . . . لاتكثرون المهزلة يكفي تفاهة وإحتقار
,
ياللي تمادى بالردى أبشر علي نشر الغسيل
. . . . . . . . ناصر فضحكم يوم شارك وانكشف ذاك الستار
,
يامعدلين الميل خلو مايل الشلة يميل
. . . . . . . . إلين ينهيه الميول اللي يبشر بانهيار
,
ياأهل الكرامة والعدل والراي والعقل الثقيل
. . . . . . . . ياولاد دار العز آل سعود ياطوال العمار
,
خلوا الجشع يفيدهم خلوه يلقى من بديل
. . . . . . . . شبوا عليهم بالجفا ياهل الوفا رد إعتبار
,
والله مايأتيه غير النقص والشخص الذليل
. . . . . . . . وحنا عيال العز مانرضى الإهانة والصغار
,
سدو الدروب الموصلة بصدودكم مامن سبيل
. . . . . . . . خلو الروينية تذوق الغبن من صد الكبار
,
نرزهم بالشعر والتصويت لكن مستحيل
. . . . . . . . الخيط ماينرز كنه لانثنى يبدي إعتذار
,
ذولا قليلين الحيا لا مانفع فيهم جميل
. . . . . . . . منزلين المرتفع واطين أعــداء الوقـــار
,
صح اغصبوها واجحفوا بس الأصيلة للأصيل
. . . . . . . . من سبة الاجحاف دوك البنت ماتت إنتحار
,
ياشاعر المليون مات الصيت بالكذبة قتيل
. . . . . . . . اللـه واكبر عقب ذاك العز أنهاك الدمار
,
قيل: الطمع ضر مانفع هذا مثل وأنتم دليل
. . . . . . . . عصفورك اللي في يدك من خيبتك أفلح وطار
,
لولا السعودية ورب البيت ماشفتو حصيل
. . . . . . . . أقولها واجهر بها واللي يكذبني حمار
,
وأخر كلامي للغبي وايضا معه ذاك الهبيل
. . . . . . . . ( ماضر ناصر فعلكم بالعكس زاده اعتبار )
,
هذي سدود احقادكم حيطانها صارت خميل
. . . . . . . . السيل عارم منجرف مافاد تعريض الجدار
,
إبن سبيل ماعلي من هرجة النقص الذليل
. . . . . . . . قد قالها ناصر وانا اشهد ماعلى قوله غبار
,
شاعر مضر لامن حضر كل حضر يبغى الجزيل
. . . . . . . . من شاعر الشم الشواهيق العلم عليا نزار
,
ولاغاب غاب أهل الشعر والعرف والفكر الجليل
. . . . . . . .وتغيب لاغاب الفحل مع غيبته شمس النهار .
,
,
فيصل بن سبيّل الباهلي
رد مع اقتباس
