(((بسم الله الرحمن الرحيم)))
.
.
هُنا السجع كان من الشعر وليسَ الإرهاصات الأوليه لـ بدايته..!!
تكثر التأويلات ولكن لايوجد إلا سراطً مستقيماً واحداً..!!
.
.
قلت أنا......!!
.
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
على سجْع كاهنٍ من نجد مدري وراه=مالت غْصون الشجر و أوراقها مايله
من راهبٍ ميّزت مشيته رزة عصاه=اليا توكأ عليها تدني الطايله
لابس قلِنسوةٍ منها تضايق عداه=فيها بخط المقوقس كلمةٍ هايله
يمر فالوادي الموحش مرور القطاه=في كفه السر له فوق السنه شايله
جيته ابا انشدْه مدري جيت بابحث خفاه= مع ان بكر الكلام اْمن العدم حايله
يقول فيما يقول انه يحب اْقصراه=وانه على دراهم برق الوسم خايله
لكن طلع من فريقه من يبي ما يباه=وكثرت عليه الامم عورا ومتحايله
ورقى على منبره مدري رقى له حصاه=و وّرا عيون العور وش نجمة القايله
لنه رسم للحياه اللي يبيها حياه=ما فكّر انه يعيش العيشه الزايله
كم له وهو فالتقشف لابسٍ له عباه=لو شاف كل الديار الممحله سايله
له بيت في قبةٍ حمراء يذري ذراه=مدهال للضيف..لكن قهوته دايله..!!
يارد على جم بيرٍ ما يطفي ظماه=ويرجع وحس الشعور بداخله غايله
كم له على الماء ينادي لين جفت شفاه=وكبده بماء البير من نار الحشا جايله
يحط وزنة كتابه وسط دلة ذكاه=و يزود وزن الكتاب اللي اْهو كايله
ويشوف بيتٍ يحبه بعد ما هو بناه=آيل إلى الهدم وبيوت الفرح آيله
لكن حقيقة شعوره في زمان الرعاه=انه مع الفقر دايم حسبة العايله
حتى و هْو للمعالي كل ظلعٍ رقاه=كم مرقبٍ في عيونه ماهو بنايله
دوّر على اللي يبيه اْمن العنا مالقاه=وقفّل بعَد ما تنكّد يالفى فايله
على سجْع كاهنٍ في نجد مدري وراه=سمعت لي هرج لكن ماني بقايله[/poem]
.
.
وقال : لفى الهفتاء...!!
.
.
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
على سجع كاهنٍ في نجد مدري وراه=عالت ملوك الثرى وجنودها عايله
من كان منهم نحت هيكل بواد المياه=هذي بقايا الرمك والقوّة الصايله
جاهم أشمٍّ .. وشقًّ ما رده ما قواه=والواد هلّل بعد ثاني سنة حايله
سولف خريره على صخره وقوقع حجاه=عن عقدةٍ في متن هاك الأشمْ ضايله
لعيون موية عنودٍ عرّقت بالجباه=تبعثر النُمنمة من قطرةٍ سايله
شفها بمخدع أنو شروان ولا ضناه=لها كبار الجواري قامت اتحايله
فيما مضى نسوة الفرس انطوت في حماه=واليوم من بعدها ما به حدٍ جاي له
يحمل كتابٍ مقدّس يمّة البابا قراه=يوم ابتهل صلب كل الكرح متمايله
وأنا ذو القصر الأقصى ما يجيني أذاه=يومي بخمس الملاحم صغت معناي له
وسطه سميّ القرنفل يعتنقني شذاه=في منتجع تبهرك تشكيلة استايله
ساعة حسدنا حسودٍ يعلن الله ثواه=حتى جرح أذني اليسرى بمصغاي له
وأنا من أم الظفاير قرطست في خباه=قصة زمن سندريلا بعد مبكاي له
أداه بالمانلوج وبالدوازن أداه=يسحر أصيلة بلادٍ تجمح أصايله
كم بأضلعي قبر عيطل طيب الله ثراه=عليه دولة كبير القبط متهايله
واليوم قزوين عوّد في جبال السراه=والأرض من قصر رجل اللي مشى طايله
حتى ان ناصر تَناصر بالقياصر شباه=وأجاب من بالبلاد الهاشمي سايله
وأقول عنّه كلام الغي عله فداه=إن كان شمس المعارف فوقهم زايله
من مبتداه انتبه وش كان في منتهاه=والوادي الموحش اْهله جات متغايله
على سجع كاهنٍ في نجد مدري وراه=ما قاله الشاعر اعرف ماني بقايله[/poem]
رد مع اقتباس
