السلام عليكم ورحمة الله وبركاته
صبحكم الله بالخير
هذي متواضعة فكاهية اداعب واحد ٍ من الشباب يوم شفته مكتم
قلت اظنه يفرفش شوي والحقيقة اني بعد ابي انفس عن نفسي ايضا
واقول
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
واعذابك يالعزوبي دايما ً مالك ونيس=من دوامك لى فراشك من فراشك للدوام
عيشتك ماهيب عيشه تصبح بفول وتميس=والغدا يمكن مدفى والعشا زود الايدام
واللباس اللي على ظهرك غدا كنه حبيس=ماتغسله غير لامنه نطق لك بالكلام
والديون اللي على الراتب تكدسها كديس=ماتخطط ماتدبر مثل تدبير الأنام
وان بغيت انك تمشى وانت في ليلة خميس=ثم نويت البر والا للعوايل , وبانتظام
جمس هيئة جيب دورية وثالثهم تبيس=يحترونك مير لاترفع يدينك للسلام
وجيت ناكف يم دارك , وقفك موكب عريس=يزعجونك بالبواري عقب سووا لك زحام
تخزر المعرس بعينك ,ساكت ٍ مالك حسيس=وتشتعل بالجاش نار ٍ شقت استار الظلام
ليه واحداني ؟؟ وغيرك قد تحصل له جليس=ياجد اللي يجلي همومه ولو كانت عظام
ماقعد مثلك.. يحسّب بالمسافات ويقيس=بين تحديد الحلام وبين تحقيق الحلام
ولاقعد مثلك من الحره توّحاله ضريس=من سبايب زود مهر اللي يبادلها الغرام
هي تباه وهو يباها مير مانعهم خسيس=شايب ٍ يبغى الدراهم بالحلال وبالحرام
الوكاد انك تحيزم يوم قد حمي الوطيس=لين يفرجها إلــهك خل طيبك فالصيام[/poem]
[align=center]وسلامتكم واعذرونا على القصور[/align]