بسم الله الرحمن الرحيم
السلام عليكم ورحمة الله وبركاته
كيفكم يالغاليات
هذى موضوع اعجبني ونقلته وحبيت تشاركوني برايكم
بصراحة...
أنا شخصيا أفتقد هذه الايام و خصوصا بالاجيال التالية ركضهم وراء المبادىء و وراء أساليب التربية الحديثة و و و و
و كثير يقولون "المفروض ما نضرب أطفالنا .. علشان ما يتعقدون و بعلم النفس يقولون إذا ضربتيه من هالجهه صار له كذا
و اذا قلتي له هالكلمة صار فيه رهاب أو انهبل أو صار له كذا و كذا...
أكثر شىء أفتقده هو أساليب تربية آبانا و أجدادنا لنا...
انضربنا على روسنا و انتهاوشنا و الحمد لله ما صار لنا شىء ولا انهبلنا ولا صار لنا رهاب اجتماعي!!!!!
أنا ما أقول الضرب حتى النزف!!!!!
بس فيه أساليب مره حلوووووووووه
و أتذكرها الحين أنا و خواتي و اخواني و نموووت من الضحك !!!
أنا أبوي كان قاضي و اديب بس أمي ما تعلمت بس والله طلعت من تحت يدها رجااال!!
----------------------------------
علشان كذا ودي تشاركون في الموضوع و كل واحد يذكر أسلوب معين كان أمه ولا ابوه يتبعه معاه مهما كان سخيف أو مضحك أو حتى مرعب بس يحس انه هالاسلوب تدخل في ترميم شخصيتع و هو مستعد يجربه مع أولاده!!
-------------------------------
أنا أول وحده راح أبدأ و إذا شفت تفاعل فالموضوع راح أذكر أمثلة أخرى!
أنا و ثنتين من خواتي و حنا صغار كنا دايم نتهاوش و نتلاعن وحتى الضرب و التشفيط بالمكنسة الكهرب و كل شىء...!!
و إذا سمعتنا امي.. تجي تنطلق علينا بدون ما تتفاهم معانا أو تسأل مين الغلطان و مع كل محاولاتنا المستميته في أن نشرح لها مين الي بدأ أو مين الغلطان أو أو " يمه خلاص والله ما نعودها"
تجي تتلاقطنا وحده وراء الثانيه وتلفزنا بزاوية و حنا الثلاثه كانت شعورنا طويلة نوعا ما
تجي عاد "الله يخليها لنا" و تحجرنا كلنا الثلاث بين رجلينها و تتربع و تمسكن خصلة "كبيرة نوعا ما" من شعر كل وحده فينا و تسوي جديلة وحده "مستخدمة خصلة وحده من كل شعر وحده فينا" و تربطها بشكل قوي و ترفعها براس وحده فينا بمكان ما نقدر ناصل له" و تتركنا متشابكن بشعورنا و تقول "إذا تراضيتو و تأسفتوا لبعض نادوني علشان أفك الجديلة"
و شكلنا يطلع زي "الاغبياء الثلاثة"حالتنا ما تسر عدو ولا صديق :زعلان: .. لا و أحيانا ما نحل خلافنا بسرعة... يعني نقعد نتضارب و نتهاوش وحنا مشبكين
بس إذا حسينا بألم شدة شعورنا مع بعض ترجع كل وحده مكانها من الألم الي نحس فيه.. و من العناد أحيانا ننام و حنا متشابكين بس من العناد الي بروسنا ما نبي نتأسف!!!!!!!
انا في انتظار مشاركاتكم
منقول
تحياتي للجميع
نور
رد مع اقتباس
