هذا حلم حلمته في ليله باردة والبطانية مشقوقة
طبعاً اتوقع ان سبب الحلم هو عشاي
وكان عبارة عن جح ولبن
وصراحة أنا كنت حاس إنها ليلة نهايتها مأساوية .. لأني كنت نايم بالمجلس ومبسوط في أحلامي ..
وفجأة ( على حين غرة ) دخلت علي الشغالة ( مدري هي الاندونيسية والا البنغالية) بس الظاهر إنها الاندونيسية لأني منبه على البنقالية ما تحتك معي نهائياً ولا تصحيني من النوم ولا تجيب لي أكل ولا شاهي ولا قهوة ولا تغسل ملابسي ,, يعني بالعربي هي ( النيقاتيف حقت الأندونيسية ) ..
المهم هي دخلت وإلا ما دخلت ,, انا قمت مفزوع وقلت وش عندك يا الكمخة ( على اساس إنها البنقالية ) ,, أو اني قلت هلاااااااااا والله يسعد لي هالصباااااااااح ( على اساس إنها الأندونيسية ) ,,
ردت علي وقالت : (( بااابااااا دووووووووووام يلااااااا قووووووومي )) << قومي هذي مايقولها غير الأندونيسية
قمت وشطفت وجهي بالموية ... ورجعت للمجلس .. وشفت البطانية تناديني تقوووووول خل الدوام عنك وتعال ارقد اصرف لك .. وانا ما كذبت خبر ....... جيت امشي مليووووون ونمت تحت البطانية ..
وحلمت ...
إني قاعد افطر في البيت ... والطابوووووور اللي عند راعي الخباز طوووويل يعني ما يمديني اشتري لبن .. قام راعي البنشر وعطاني جزمة ولكن ما جت على مقاسي .. والطيارة اللي كنت راكبها مكيفها بااااارد واخوي كان يسحب البطانية مني وانا اسحبها منه ... والضب اللي كنا ندخل المويه في جحره طلع ولده ضابط .. وقالوا لي يوم رحت اشهد في المحكمة لازم تجيب مزكين .. مع إن البقالة اللي ورى بيتنا تسكر بدري .. وانا ما اعرف ألعب كورة :(
المهم شغلت موتري وسافرت لدولة عربية مجاورة .. (( وكنفر علي البشر )) ولا معي استبنة .. وقعدت ادور احد يوصلني ولا وقف لي احد .. وكان معي (( بردوق صندقان .. وخيس كيار )) قلت نعمة أكل منها لين اوصل للمدينة .. والله ووصلت , قلت يا ولد وين تسكن في (( فقّة والا شندق )) يوم شفت إلا (( الفقق )) غالية .. واروح ادور احد (( هالشنادق )) واسكن فيه ... وبصراااحة ذبحني الحر هناك .. قمت و (( كيّفت المشغل )) ويجيك هالبراد اللي (( يقبّه حلبك )) .. واناظر من الدريشة إلا الدنيا (( حراء بر )) .. واجلس ليليتن هناك ..
اللي يشوفني يقول وش هالدكتور اللي ما يعرف يطبخ ريحان خخخخخخخ << الضحكة هذي في الحلم ...
والمشكلة ما معي فلوس علشان أجيب بها بودرة للكيرم ... وقمت وشريت (( طيس كحين )) .. وسويت لي (( برص قر )) .. ومعه كاس (( تصير عفّاح )) ..
وبعد ما خلصت الأكل .. ومسحت بيدي على الكاس ابي انظفه .. ويطلع لي مارد خبل .. قال شوبيك لوبيك (( شرقاوي )) بين يديك ... قلت : استريح بسسسسسسس
المهم المارد اللي اسمه شرقاوي لزّم علي اطلب منه .. قلت اممممممممممممممممم
امممممممممممممممممممم ابي وظيفة محترمة .. ما يقل رابتها عن ألف وخمسية ريال ..
قال معليش يا ابو الشباب التوظيف عن طريق الكمبيوتر والمفاضلة << مدري ليه حسيت إن هالمارد يقرب لمدير تعليم البنات ..
قلت له طيب شف لي قصر زي قصوووووور العاذرية
قال .. بعد ما سحب تنهيدة طويلة ... أنا لو عندي قصر وإلا حتى عشة ما سكنت في كاسك الخايس اللي جايك هدية مع كرتون حفايظ دحووووووووم :)
قلت له وش رايك تجيب لي دفتر الحضور والانصراف من المدرسة علشان اوقّع وانا على السرير ...
وقام وصفقني بذاك المخمس وقال انت تبي تنشبني مع مديركم ...
ويوم جاااااااب طااااري المدير .. وأنا اللي افز من مكاني وألقى الشغالة واقفة في مكانها (( المرة هذي متأكد إنها البنقالية ما فيها كلام .. لإنها تقوول هيييييييه أنتا صديق قوم يلاااا مدرسة في خلاااااص انتا كبر مخدت هي )) والغريبة إني لقيت دفتر الحضور والانصراف جنب المخدة
ماااااااااا أعذبه من حلم