أحبتي ..
هنا بعض من إحتمالات غير قابلة للريح حاليا ..
إحتمال ..!!
يعقد الدمع اتفاقية فرح ..
في حفل حزن ..
وترقص الدمعة دلالالال ..!!
إحتمال ..!!
ان خطوات الطريق .. اللي مشيته
واهتويته ..
توقف بغصة قدم ..
وتبني اللي ما انهدم ..
وترسم البسمه ..بلون الفجر
والغايب ألم ..!!
إحتمال ..!!
الصبح يصحا ..
بعد ما نامت عيونه
عمر .. كامل ..
يلعب بحلمه جنونه ..
يستظل الليل
يبكي ..
يحضر بدمعه حنونه ..!!
ترتله ريح الغياب
وتصفعه ..
ويكسر بليل انهزامه
مرايته ..لوحة ظنونه ..!!
إحتمال ..!!
يرتب النبض احتياجه ..
يزيد فوضاه ..بمساه
وتسهر اعروقه .. عساه
يداعب احلام وأماني
يرجع لطعم الثواني ..
يبتسم ينسى الأناني
قبل مايرجع أساه ...!!
إحتمال ..!!
الصيف مرّ ..
والخريف يمر ..مرّ ..
والشتا برد وقساوه ..
والربيع ..امطار نبض
وديم غافي ..
ينبت بيابس شفاهه
بعض من بعض الحلاوه ..!!
إحتمال ..!!
إحتمالاتي خطا ..
إحتمال ..!!
كل قطرات العطا ..
تختفي بليل المدينه
تكون طفله بائسه
بصبح عيد ..
وحولها ..
ابتسامة فقرّ
وامطارً حزينه ..!!
لكم كل الحب ..
عبدالله بن زنان ..
والله يديمك يامطر ..
رد مع اقتباس
