اغنام - ابل - دواجن - طيور




على الله يازمن بشكي جروحي والليالي طوال،،
..عسى راعي العنا ينسى عناه وينشرح صدره



على الله يازمن بشكي همومي والهموم جبال،،
تعدت عاصمة حزني حدود العالم بأسره


خساره يالسنين اللي كتبتي قصة الترحال،،
فرحت أمس،، وحزنت اليوم،،
بس الخوووف من بكره_


لساني كم شكى صمته وإلا منه حكى ماقال،،
طغى طبع السكوت بسيرة المحروم من صغره__


سقى الله يوم كنت أنا أضحك وبالي مستريح البال ،،
ضحوكٍ ماعرفت الحزن وش معناه وش قدره


كبرت وكبرت أحلامي وصارت قصة الترحال ،،
أماني في مهب الريح حلمٍ مااكتمل سحره


عزيزه يالحروف اللي سكتي والكلام يقال ،،
حكيتي ماشكيتي الهم وهم القلب ياكبره


أنا منهو فقد صوته وبعض الصوت به مازال ،،
دعيت الله يفرجها علي وبحت أنا النظره


أشيل الحمل عن غيري"وحملي صار ماينشال"
مثل الشيخ الهزيل اللي مشيبه منقضٍ ظهره


وعن حر الزمن صارت حروفي للجروح ظلال ،،
تذرّت عن هموم الياس حلمٍ قد بنى قصره


عساها للمطر روحٍ بها وادي الظما ماسال ،،
عروق سنينها جفت وورّاها الزمن غدره


على الله ينجلي وقتٍ قضيته بهمٍ وغربال ،،
ويشع النور في قلبٍ غشى بين الظلام فجره


على الله والولي الله
وبأمر الله يزين الحال ،،
{ ويضحك للزمن قلبٍ من همومه
........................... قضى عمره.. ..




ugn hggi dh.lk fa;d [v,pd ,hggdhgd ',hg ::>