السلام عليكم ورحمة الله وبركاته[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
إخواني أعضاء النادي
يحزنني أن أقدم لكم التعازي في وفاة ولي العهد
وردع الوطن وحزام الأمان رحمه الله وأسكنه فسيح جناته
هذه بعض الابيات المتواضعة التي كتبتها حزناً وحسرة على
هذا الخبر الذي نزل علينا كالصاعقة
يايوم السبت يايوم الكلايف =تجرعنا المآسي والحسايف
قبل سلطان منا قد خذيته =ودمع العين في موته ذرايف
وبعد ماعاننا الله واحتسبنا = فجعت قلوبنا في موت نايف
ياعنك إنك أبد مافيك رحمة =ولا أنت بحالنا عارف وشايف
خذيت اثنين عن ألفين واحد = وغضّيت النظر عن كل هايف
نعزي بعضنا والكل منا = به آلام وبه جروحٍ نزايف
رحل درع الوطن وحزام أمانه = رحل حرٍ تعلّا كل نايف
رحل عنا وزير الداخلية =أساس الأمن ممّن كل خايف
أعز الناس عنده رجل حسبة =وألد عداه رايف وأخت رايف
كثر ما احنا حزننا في وفاته =كثر مافرحت بعض الطوايف
يحق لهم مدام اسمه لحاله =بأذانيهم مثل وقع القذايف
أجل مدري وش اللي يصير فيهم =لاشافوا صورته وسط الصحايف
عيونه لالمحته عين صقره =ولسانه سلّة سيوفٍ رهايف
من الهيبة يهاب الناس بشته =ويحييه الشجر لامر طايف
من الطيبه تقول إنه أبونا =على الشعب السعودي دوم رايف
من الحكمة حكم أمره وأحكم =فتح له بابٍ من أول مسايف
من الطنخة ومن قوه وباسه =يطيع الخصم لوهو كان عايف
ياصبر الممملكة والله يعينك =يا أبو متعب عليك الوقت حايف
مصيبتنا ماهي بأية مصيبة =ولاهي مثل ماقالوا خفايف
ولكن حكمة الله في عباده =يموت الشخص ويجيله خلايف
رحل نايف وخلّف له عياله =بهم نفس الخصايل والوصايف
نجدد للملوك أخوان نوره =ولاء من قلب ماهو من شفايف
موصينا عليه أبٍ وجدٍ = ولاءصادق ماهو كاذب وزايف
يزيد الحب كل يومٍ وساعة =ولو زاد الغلاء وقل الوظايف
ويايوم السبت يايوم الكلايف =وش آخر هالمآسي والحسايف
أنشهد بإن لك ياسبت نظرة =بتفريق الحبايب والولايف
خذيت اثنين عن ألفين واحد =وغضيت النظر عن كل هايف
[/poem]
((( بالصووووووووووووووت )))
رد مع اقتباس
