العيش المدلل



سمعت عن طبق مشهور بالبحرين اسمه العيش المدلل

خذيت الفكرة وطبقتها بطريقتي والحمدالله عجب الكل

تعالو اعلمكم الطريقة بالتفصيل والصور ..


المقادير :

(العيش)
2 جيلة عيش (قوطي الاناناس) مغسول ومنقوع
بصلة صغيره مفرومه
شدة شبنت مفروم
2 فص ثوم مدقوق
1 معكب ماجي

(حمسة الكفته)
2 بصل شرايح
مشروم مقطع
جزر مقطع بالطول
1 مكعب ماجي
1 كريمة حامضه
1 كريمة خفق
3 قفاش كبار جبن كرافت
صويا صوص


نبدي بالعيش :

حمسي البصل والثوم من يذبل حطي مكعب ماجي وشوية فلفل اسود وكاري شوية وعقب الشبنت وعلى طول حطي الماي والملح وحطي العيش لما يستوي ..







الحين حمسة الكفته :

حطي الزيت مع البصل والجزر والمشروم وحطي عليهم ملح وغطي الجدر وكل شوي قلبيهم لما يستوي الجزر وعقب حمسيهم لما يتحمرون وحطي عليهم مكعب ماجي وبابريكا

وعقب حطي الكفته (قليها وقصيها بالنص) وخلطيها معاهم

وخلطي الكريمة (النوعين) مع الجبن وحطيهم فوق الحمسة وخليها 5 دقايق بس



صار العيش جاهز والحمسة بعد



ييبي بايركس وحطي اول طبقة عيش وعقب الحمسة وعقب عيش ودخليه الفرن 20 دقيقه وزينيه بالصنوبر والبصل المقلي



وهذا الشكل النهائي




انصحكم فيه وبقوة :eh_s(9):