مرحبا بكل الكويتيات القمرات بقسم المكياج و العطور
اليوم حابة أتكلم عن منتجات التجميل إلي إستخدمتها بكثرة و حبيتها الشهرين إلي فاتو.

شهر مارس:
أكثر منتجين عجبوني هما السكراب من ذي بودي شوب إسمه شوكومانيا Chocomania و ده بيشيل الجلد الميت من البشرة و يخليها ناعمة جدا و نعومة البشرة بتكون كإنك حطيتي زيت مرطب بس ميخليش البشرة مزيتة بالعكس بتكون نظيفة و ما عليهاش أي أثر دهني. رائع أنصح بيه أي وحدة بشرة جسمها جافة أو حتى عادية.
و ثاني حاجة الستروب كريم من ماك Mac strobe cream. هو عبارة عن كريم بيرطب و بيدي لمعة حلوة و طبيعية للبشرة و ليه إسخدامات متعددة. حبيبته قوي شهر مارس و إستخدمته لوحده علي بشرة الوجه بعد روتين العناية بالبشرة الصبح علشان ينور الوجه و يخليه يبان فيه نضارة و صحي.

شهر إبريل:
إستخدمت كريم أساس من لورا ميرسييه إلي هو سيلك كريم فاونديشن laura mercier silk creme foundation و عجبني قوي. تغطيته متوسطة و بيتوزع بسهولة علي الوجه و بيخلي الوجه فيه لمعة حلوة من غير ما تبان البشرة دهنية.
كونسيلر من كات فون دي kat von d concealer ممتاز إستخدمته لتغطية علامات الحبوب و الإحمرار على الوجه و مع إنه ثقيل بس بيتوزع بسهولة و بيبقى علي الوجه طول اليوم من غير ما يتحرك. بس ما إستخدمتوش تحت العين لإني لا أحب خافي العيوب يكون ثقيل قوي تحت العين.
و عجبني كمان بلاشر إسمه فيلفيت روب من لوراك Lorac velvet rope blush. ماركة لوراك هائلة بس ما بشوفش بنات كثير على النت و اليوتيوب يتكلمو عليها بحس إنها من الماركات المظلومة. البلاشر لونه وردي و يميل علي الموف شوية من الألوان إلي عادة بستخدمها في فصل الشتاء. طبعا شهر إبريل هنا كان برد و كإنه شتاء.
أحمر الشفاه من ماك الأحمر من راشن ريد mac russian red lipstick من الأرواج إلي حبيتها قوي الفترة إلي فاتت و هو روج مطفي و لونه أحمر أساسه أزرق و بيليق على بنات كثير و بحب فيه إنه كريمي شوية مقارنة بالأرواج المات الثانية و بالتالي ما بينشفش الشفايف و في نفس الوقت بيثبت مدة 4 ساعات تقريبا قبل ما يبدأ يختفي.
أكثر برايمر ظلال عيون عجبني هو برايمر من توفيسد Too faced shadow insurance إلي إسمه توفيسد شادو إنشورينس. بحب إنه بيسهل عملية دمج الظلال و بيخلي لون الشادو يبان واضح و يمنع تكتله طول اليوم. من أفضل البرايمرز إلي إستخدمتها.
و أخيرا و ليس آخرا شادوهات من ميك أب فوريفر رقم 126 لونه بيج فاتح فيه شيمر iridescent yellow beige و شادو رقم 127 metallic taupe لونه توب بين الرمادي و البني و فيه لمعة خفيفة قوي و الألوان دي طبيعية و تنفع لكل يوم و مسحوقها ناعم و هي شادوهات ثابتة و ذات جودة زيها زي باقي شادوهات ميك أب فوريفر.

أتمنى إنكو حبيتو الموضوع و هنا رابط الفيديو بتاع المستحضرات المفضلة :eh_s(17):

http://www.youtube.com/watch?v=o2z6k7rn-y4

مع السلامة :eh_s(8):