بين الشعب السعودي وقيادته سر يقوم على الأركان الخمسة وعندما عاد خادم الحرمين الشريفين الملك عبد الله بن عبد العزيز إلى أرض الوطن توجهت العيون بقلوب الشعب الحاضر في الاستقبال والمتابعين للشاشات الفضية إبتهاجاً بسلامته أدام الله عزه ومجده وحفظه لشعبه وقلت:
يا ملكنا هاجس الحب في اليوم الكبير
هللت به فرحة الشعب كله من غلاك
من كبير ٍ يفتل الحب في قلب الصغير
بالغلا لك والولاء كل هذا من وفاك
دامك بخير ٍ ترى الناس في خير ٍ كثير
يا ملكنا كل شعبك رضاهم من رضاك
يا إمام المسلمين الغلا بيت الضمير
والضماير بالغلا لك منورها ضياك
البشاره شوفتك من على اقدامك تسير
أطلب الله يسعد اليوم في دارك مساك
يا ملكنا مجدك العدل والهدي المنير
الله اللي رافع ٍ بالعقيده مستواك
يا مجنب دارك اليوم شر ٍ مستطير
ومهدي ٍ للشعب مجد الحضاره في حماك
السياسه مجدها كل ما قر القرير
كوكبه غطى على كل نجم ٍ في سماك
والوفا اللي مثل ما قيل مقطوع النظير
انت أبوه ومجده اللي تغذى من غذاك
يا إمام المسلمين انت بالأفعال غير
وكل مجدٍ حر تكبر فروعه في ذراك
وكل وقتٍ له من الخلق بالدنيا خبير
يا خبير الوقت والشاهد الأول نباك
والشموخ ونهضة الدار والشعب الغفير
وكل خطه ترفع الروس والسادس دهاك
ابنك المخلص /عبدالعزيز بن سعود بن محمد آل سعود
رد مع اقتباس
