صباح الخير
ـــــــــــــ احمد غيلان
صباح الخير لك يا اللي عزمتي ما ترديها
::: ترا ما اتحمَّـل ابعادك و لا استاهل تجافيني
صباح الخير لك و انتي إذا ودِّك تعديها
::: صباح الخير من قلبك على قلبي تكـفيني
صباح الابتسامة من شفاهك يوم تبديها
::: صباحك قافية لوعه تلوعني و تطفيني
صباحك حُـمرة اوجانك خجلها اللي مندِّيها
::: صباحك شوق يا شوقي من الأشواق دفِّيني
صباح الخير .. قـُبله تقبليها أو تصديها
::: ولاشي في صباحك من صباح الخير يعفيني