[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاتنطقين الكلمه اللـي علـى شفـاك=حرام من قبـل انتفـارق تطيحيـن
من عين منهو كان بالحيـل يهـواك=خليك في عينه مثـل منتـي سنيـن
وإذا على الفرقا... فـلك مني اجفاك!=مادام ذي رغبتـك واللـي توديـن
اخذي مراسيلـك وشيلـي هدايـاك=واستأذنـك واظـن ودك تروحيـن
روحي لذاك اللي على البعد وصـاك=ون قالـه الله منـه بيـوم تبكـيـن
لنه يخون العهـد مثلـك وشـرواك=خاين ولايعـرف عهـود المحبيـن
الله معك روحي ولايكثـر إحكـاك=وخٌذي كلامي وسمعي هرجتي زيـن
لامنك أقفيتي فـلاتوقـف إخطـاك=ولايرجعك شوقك.. ولاتلد لك عيـن
روحي على دربك وحثي بممشـاك=أبيك تنسينـي ومـن قلـب تجفيـن
ون حدتك سود الليالي على اقصـاك=لايطري فـبالك تجيـن وتعوديـن
لأني وربي البيت بنسـاك بنسـاك=وبنسى غرامك وانتي ارجوك تنسين
أول أحط الشمس في كـف يمنـاك=حتى القمر جبته عسى بعينك يبيـن
واليوم أنـا مالـي بحبـك ولامـاك=انتي لك محبك وانـا ربـي يعيـن
والكلمه اللي مـن شـوي بشفايـاك=ودك نطقتيهـا أو انــك تقفـيـن
ماهمني واللي على القلب قـد جـاك=واستأذنـك واظـن ودك تروحيـن
ون عذبك شوقك وعدتـي بذكـراك=ماعدتي بعيني مثـل منتـي سنيـن [/poem]
.
.
.
.
وسلامة ارواحكم ..