للصيف حلاته وطراته
لويسلم من السفر والمسافرين
وهاكم هااذي هديه للى توهم جاايين كلهم
وتحيااتى
[poem=font="Simplified Arabic,3,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
احمد الله يوم جيتي بالسلامه"="ياهلابك ياغلاي ومرحبابك
مرحبا ترحيب همًال الغمامه"="من خفوقٍ ما طواه الا غيابك
في غيابك ماهنا جفني منامه"="مير فرحت جيًتك عدت عتابك
يابعد قلب السليس وياغرامه"="وين غيرك لاحضر حضرة جنابك
حلي اهلاً يالقمر ليلة تمامه"="وسط قلبٍ مايقول الا هلابك
كيف لا وانتى همومه واهتمامه"="قلبي اللي مابري ينقل صوابك
فيك ما احسب للعذول ولاملامه"="من عذلني عنك مايسوي ترابك
انتى اجمل بنت عاشت فاليمامه"="ابتدابك كل زينٍ وانتهابك
ماعشقت الا انت ياظبي العدامه"=" ولارضيت ولا اهتويت الاعذابك
فيك مع زود الحلا عز وكرامه"=" والوفا والصدق ثوبٍ من ثيابك
مايشًره فيك لباس العمامه"="ولو يشره ماجداه الا سرابك
كم دعيت من الاذان الى الاقامه "="لين جيتي يالغلا والله جابك
ثم سافرتي وجيتي بالسلامه"="ياهلابك ياغلاي ومرحبااااااااابك [/poem]