[poem=font="Simplified Arabic,6,indigo,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
احلف برب البيت ياشوق مفصول=خطي بوقت انك طلبت اتصالي
ازريت اسدد والسبب حيل مشغول=واكيد تعرفها دواعي انشغالي
عذرٍ كتبته هقوتي منك مقبول=بعده عزاي اليوم في فقد غالي
هذا القدر مافيه قوه ولا حول=والحمد لله دوم في كل حالي
انا معك وقت الشدايد على طول=اشيل حملٍ عنك كبر الجبالي
بلاش تترك خط هاتفك مقفول=هذا طلب مني اذا لك مجالي
وان كان فعلي يوم ماجا على القول=حرام ماجلس يوم بين الرجالي
معقول بنسى وقفتك ذيك معقول=يومك تواسيني على اللي جراللي
يومـــك تقول الهم ايام ويزول=ولابد عقب المــــر ياتيك حالي
مانجحد المعروف واشكرك واقول=انا اشهد انك دايمٍ وسط بالي
ليت الحزن يجفاك ويصير مقتول=وليته يطيب اليوم فالك وفالي[/poem]