بعد السلام والتحيه والاحترام
( أوراق رسميه )
تواعدني واذا جيتك على نفس الوعد مالقاك
وليه اصلا" تواعدني مدام امبيت النيه
حبيبي لاتظن انك تمشيني على ممشاك
تراني بطوي الماضي على حاجات منسيه
واكيد انك تبي تنسى واكيد اني ابي فرقاك
واكيد انك تقول اني بجيك...افكار وهميه
انا ماطرد ورى المقفي ولاعمري ابد برجاك
حسافه ايام قد فاتت وانا اعلنها علانيه
توكل وابتعد وارحل ترى تستاهل اللي جاك
هذاك اول احنّك وقت توفر فيه حنيه
اذا" عطني قفى ظهرك ولا ابلش بعد وياك
تقول ان الغلط مردود واقول انسى وهي هيه
رجائي لوسمحت افهم كلامي ماابي طرياك
ولا حتى ابي شوفة قصايد قلتها فيه
ولا مرسال من صوبك يجيني ينتخي لنخاك
اذا عندك كرامه روح ولا ترجع ابد ليه
تقبلو شكري وتقديري واحترامي