سواليف بنات في طابور المدرسه

[مهرة المشاعر]

البداية مع التفتيش

ليش مريولك موديله كنه فستان عرس ؟ أبله هذا ستايلي ..

ليش حاطة عدسات زرق ؟ أبلة عيوني هذي .. امي اوروبية .

ليش كل هذا الكحل ؟ أبلة عيوني كحلية طبيعيا .. . :

ليش المناكير ؟ أبلة هذي حنة سودانيه مو مناكير . :

ليش ما ترددين تحية العلم ؟ أبلة بلاعيمي تعورني .>> ههههه ومن الجهة الثانية صوتها ويا سوالفها واصل لآخر صف ..


ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة "حاشا القرآن "

ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!




طبعا في بنت رقيقة تصيح وفي بنت دفشة بكرة تجيب القبيلة كلها تشتكي .هههه

وما ننسى حركة التنقلات المستمرة .. مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.

نمر للبنات اللي مبققات عيونهم على المعلمات !! ..

وين أبله سيتوبلازم ؟هذي واقفة جنب العمود أكيد غايبة اوكي الحصة الأولى فاضيين . يا سلااااااام

وين أبله"قد اعذر من انذر" ؟ هذي عندها مناعة طبيعية ماتمرض عشان تغيب هي و ربيعتها نو بودي...

وين أبله الحجم العائلي ؟ اوف بعد مب غايبه .. لا وتشوف علي بعد شافها ملك الموت " عزرائيل " اليوم قولو آمين

شوفوا معلمة عطيات تنورتها تحفة .. خيالية.. آخر موضة .....من وين اشترتها ؟


عاد معلمة دراكولا مشترية الدمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .

والحين قبل لا نخلص نشوف سوالف الدلوعات : أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن وكل الناس تشوفني كاني أنا العروسة<<<معقوله >>>

تدرين مع من سولفت أمس بالشات ؟ مع لبناني وحاط صورته يمة يذوب ... شعر اشقر و عيون خضرا .



شفت فلانة امس فاتحة شعرها والكشه مغطيه خشتها

ولا علانة اللي كانت عايشة في ماليزيا اليوم جاية بقميص صوف والحراره 40 درجة غبية وحدة . << مايسوى على البنت
ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو
السبورة .. والله ينرحمون .
و في النهاية تجي معلمة و تقول مافي قلم : وين انتوا في سوق سمك ؟ ويقومون البنات ويضحكون على اي شئ
ههههههههههههههه
وش رايكم ان شاء الله اعجبتكم

ودي للجميع

[شهانة ذوق]

صراحه موتني من الضحك
سلمتْ أناملكِ,,

[غرام المشاعر]

بصراحه هذا كلام البنات في الطابور
شكلهم بيطيروا النوووووم من عيونهم

ههههههههههههههههههههه

يعطيكِ العافيه

[فهده]

حمد الله اني كبرت معاد ادخل ضمن مواضيع بنات المدارس

يعطيك العافيه

سلام..

[أنـ الذكريات ـين]

^^^^^^^^

هههههههههههههه ارررحمني ياااااكبيير..


،،

و نسيتي بعد البنت اللي تدووخ و يروح معها الفصل كااامل يعنني صديقتنااااا.. >> سبحااان الله ما ادري وش ذا الدوخه اللي تمسكـ بنات الفصل بالدور.. :p



يعطيكـ العافية مهرة..


تحيتيـ