[poem=font="traditional arabic,6,black,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""] خَلَص كل الكلام اللي تكسّر بالشفاه وطاح = ولاباقي سوى حكْي العيون وعبرة الملهوف
سنيني ,, لو تعنيني يالمحة ,, رمشك اللمّاح = على دربك ,, ماغير الخطوه الخجلا ,, واتمتم ,, (اووف)
يزوم الرايب بـ/يمّي ,, واعانق بارقك لالاح = واقول اني على رِسلي ,, ولو ان بـ/حشاي سيوف
تسمي ,, بابسط ضلوعي ,, واسميبك ,, سماي افراح = يارقة رقرق الذابل من عذوق السنين ,, وروف
ركنت همومي بـ/جالك ,, ورحت اترنّم بـ/سواح = ويتْرنّم صداها بي واحس بهملله ,, وقنوف
ياوين اهديبك انفاسي ,, من انفاس العطر لافاح = جموحٍ يسكن اشلائي ,, ولالي في دفاه صروف
يسود بجوّي المُعتم ,, غمامٍ لابقى ،، لاراح = ياعنقود الحنين اللي تناما وانتهى ,, مقطوف
بشر ،، وايوالله اني لو قطفت من الثمر ,, تفاح = مغير اتأمّله لذّه ولاذقته ,, واناي شغوف
حيارا ,, كن باهدابي حيارا والسنين ,, اشحاح = امد الشوووق في كف الحنين وينثني ,, مكفوف
يادربي ,, والقدر ساق الخطاوي والمدى ,, صحصاح = تعبت اساير حيام المشاعر واكتويه ,, شفوف
طويله ,, رحلة اهيامي طويله ,, والوله فضاح = وانا مابين رمشينك ,, واخايل ليلك الملفوف
سرقني ,, هاجسي يمك ,, وطفلي بالحنايا صاح = عليك الله فيني والغرير ,, وحظنك المهيوف
شقاويه ،، ليالي جمعتنا دمها ماساح = تباطيت الشفق واثر الحَمَار بـ/وجنتيه كسوف
ياغصني ,, لو غشاك من الذواري ذاريات ,, رياح = تصبّر لو تميل شوي ،، مدام ان الجذوع وقوف
واذا باقي ,, من اشتات الكلام ورشفتين اذحاح = دخيلك ,, عن هجيرك ,, والسراب ,, ولوعة الملهوف[/poem]
عبدالله بن سالم الضبعان
رد مع اقتباس
المشاركة الأصلية كتبت بواسطة بندر النايف
