[poem=font="Simplified Arabic,5,orange,normal,normal" bkcolor="transparent" bkimage="backgrounds/21.gif" border="inset,8,chocolate" type=1 line=0 align=center use=ex num="0,black"]
يازبن رحنا وطي مع عطر بندوره = عطرٍ تشبع شذاه بذاكرة ذهني
جمعت عطر الغلا والشال والصوره = وسنين عمري على الماضي ترجعني
رجع خيالي وأخذ بالذاكره دوره = لوكان ذكرى زمانٍ فات توجعني
ذكرت ليل الغرام وريحة اعطوره = والبسمه اللي على ثغره تشجعني
وذكرت عينٍ تهل الدمع مقهوره = لاقلت به شي ضايقني ومزعجني
وذكرت ذاك الجبين اليا سطع نوره = لاقلت شوفك يا أعز الناس يسعدني
تغار لاكن ماهي بالحيل مغروره = اللــــــه لاقلت ذيك البنت تعجبني
وذكرت ثلجٍ يعض الجمر به ثوره = اليا اسمعت واحده بالاسم تذكرني
كانت علاجي دواء جرحي ودكتوره = والبلسم اللي على الدنيا مصبرني
واليوم ذكرى سنين العمر محصوره = اليا بعد طيفها الذكرى تقربني
حتيش لو أحرق الاغراض والصوره = مدامهى عايشه همي معذبني
يازبن مني ظروف الوقت معذوره = وياليت كل العرب في الوضع تعذرني
دامٍ ان ذكرى غلاها عطر بندوره = أبشري العطر دام العطر يجذبني [/poem]