ليثنا الغالي وحنا به نشيد
محمد بن عبدالعزيز الخنيفر
البدايه عز وافراح تزيد
كلها لليث في أحلى عصر
كل يوم نستمع شي جديد
من رجال فعلها به نفتخر
ليثنا الغالي وحنا به نشيد
والتطور عز نصر في نصر
خالد المحبوب حقق ما نريد
هذا ابو فيصل بمده ما ذخر
راعي الطولات والراي السديد
هو عماد الليث هو ساس الفخر
ما نوفي القرم في قول القصيد
شوفوا افعاله على مد النظر
وأبو عبدالله بذل جهد جهيد
له تواريخ بذكراها تسر
لاجل ليث العز كم شفنا المزيد
كم بطولات وصعيب تنحصر
وابو الوليد اليوم زود بالرصيد
كمَّل المشوار في وقت حضر
البناء شفناه من رجل رشيد
له مواقف ما لها عد وحصر
وبالرياضة نفتخر واليوم عيد
كم فرحنا بالقرار اللي صدر
جدَّدوا لسلطانها وكل سعيد
جعلها له خير وطول في العمر
وقلت انا نوافها جنبه عضيد
كم زرعوا واليوم نقطف بالثمر
والتهاني قلتها وايضا أعيد
بجائزة نواف يازين الخبر
والإدارة كم سعت باللي يفيد
بالجهود لليثنا وايضا السهر
ولاعبينا اخلاصهم شي وكيد
كم لهم منا تحيات وشكر
والجماهير الوفيه ما تحيد
مع ليوث العز في عسر ويسر
رد مع اقتباس
-new.gif)
