للتواصل وكسررر الروووتين لاغيررررر
تقبلوها والمعذررره على التقصيرررر
[poem=font="arial,6,blue,bold,italic" bkcolor="white" bkimage="" border="groove,8,red" type=2 line=0 align=center use=ex num="0,black""]
البارحه مانامت الليل عيني=والناس مبسوطه وانا ماتسليت
النوم عيا ياعرب لايجيني =وطحت المطيح اللي بمطيحه تواسيت
من كثر ماعاني تزايد حنيني =مثل المحرك لفقد كامل الزيت
ولاقلت لقرب ناس فيني وفيني =اداعب احضان السهر لين حقيت
اشكي طوال الليل حزني وبيني=على الله اللي مالغيره تشكويت
وانظر عن ايساري واطالع يميني =واسج انا وجبان والا تعشيت ؟!
يالله تغفر زلتي وتعفيني =نسيت انا صليت ولا ماصليت ؟
ومهما تحكي الناس فيني بشيني =الحمد لله من تهمهم تبريت
ياكثر ماقالو بي الحاسديني =لكن على اقوالهم ماش تثبيت
يابنت يرحم والديك اتركيني=انا ترى من كثر ماحب وليت
وجرح المحبه وسط صدري دفيني =من دش في صدري منه ماتعافيت
من حر مافي الصدر لو تلمسيني=ياغظت النهدين في يديك شبيت
حبيبتي راحت لاكن اسمعيني=انا بعدها ماعشقت ولا حبيت
وان كان تبغيني تعالي خذيني =واسير لك المملكه بزمة اكويت
يانسمة الصبح العليل اسعفيني=فى الشعر من هيض المشاعر بكم بيت
فى اللي تروح وثم ترجع تجيني =من ثقلها ما قربوها السرابيت
من رزنها تمشي من الواثقيني=جتني ورب البيت من غير توقيت
اليامشت لطريقها مخالفيني=وانا اليا مرت بها ماتحاديت
وهجوس فكري قبلها مصلفيني =مرضا ومن مرة عليه تشافيت
ولاتوقعت اصلٍ انها تبيني=ولا مديني من حلا زينها ميت
من طيب حضي محد خابر يبيني=حضي مصد وكل ماصد صديت
من يوم مامرت علي مرتيني=هجرست بحروف القوافي وشليت
ومدري وش اللي صاب عقلي وفيني=ولواعلم اللي كان بيسير ماجيت
قالت سلام اعجاب يانور عيني =ورد السلام اوجوب صعب ان مرديت
قلت ارررحبي من أخر اقصى كنيني = وشرقت بالدخان به يوم كنيت
وقحية واستمرضت اظنها تجيني= واستغفر الرحمن لن كاني اخطيت
قالت علامك قلت تكفى الحقيني =انا مريض وكان رحتي توفيت
بالله من فمك شوي اكسجيني =وقف نسم صدري بصدري يابلفيت
وصدرك واسيعٍ ونابي(ن) انفخيني = وذكيني بسكين عاد ان لك اعديت
طيحي على صدري لي عوريني=ياقدرة الله كيف انا بك تمسيت
يابنت انا شاعرفهيم وفطيني =وابشرك بني بشعري قوي صيت
وان كان مغتره بشكلي وزيني =اعظم جمال الغيد به ماتشقيت
اذا بغيتيني معك شبكيني= وان كان ماتبغينني ماتشقويت
مومن واراعي حق ربي وديني=والصدق به حتى بشعري تحليت
انا اصدق احروف القصيد الثميني=وانا اجزل اهل الشعر شعر اليا غنيت
ياضيقت الليل الطويل اعتقيني = خليني اذهب حر من حيث ماشئت
يالله ياخلاق لاتبتليني = يارب يامعبود ياوالي البيت
وانك يارب اتعينني وتهديني =على طريق الحق من حيث ماجيت
[/poem]
وسلامتكم