[ALIGN=CENTER]حزن المشاعر
الله حسيبك دامك أقفيت عني ** خليتني بين الرجا والقطيعة
في غيبتك كثر الهموم أتعبني ** أقبل مصيف القلب وأقفى ربيعه
ذوبت شوقي لك وخيبت ظني ** يامرك قلبك بالفراق وتطيعه
ان كان قصدك بالغلا تمتحني ** قلب شرى حبك علامك تبيعه
وشلون نفسك طاعتك بالتجني ** وحبك حفظته مثل حفظ الوديعة
تركتني والذكريات اذبحني ** خليتلي حزن المشاعر طبيعة
هجرتني وأقفيت وش جاك مني ** ماشوفلك شي تحطه ذريعه
من رحت لحظات الفرح ودعني ** من سبتك ضاقت علي الوسيعة
واديمه اخليك في دروب اوهمني ** مثل السراب اللي تبعد لميعه
ما غير افكر والهموم أشغلني ** خليت قلبي في تعاسه وضيعه
متى العيون بشوفتك يفرحني ** وترتاح نفس من فراقك وجيعه[/ALIGN]