ليت الليالي علمتني بالأقدار

[الدكتور ابو مهند]

ليت الليالـي علمتنـي بالأقـدار..؟؟؟؟

ليت الليالـي علمتنـي بالأقـدار

كان ابتعدت وزال عني خطرهـا


واثر الليالي ما تبيـن بالأسـرار

تضحك لنا ساعة وتبدي كدرهـا


ياما وياما تاخذ صغـار وكبـار

دولابهـا يمشـي وحنـا بأثرهـا


باسبابها ياما تجرعنـا الأمـرار

شفنا النكد فيهـا وشفنـا عبرهـا


من أولٍ كنـا بزاريـن وصغـار

لعب ومرح واحلام نقطف ثمرها



وأثر الثمر بهمومنا شوك صبـار

سود الليالي غـاب عنـا قمرهـا


رغم الألم يبقى الأمل ورد وأزهار

ويبقى الأمل بالله لامـن أمرهـا


يالله يامعبـود ياوالـي الأقـدار

يغسل هموم النفس وابل مطرهـا

تصفي لنا الدنيا على خير ماصار

وبرضاك نامن يارحيـم بقدرهـا

[أنـ الذكريات ـين]

سلمت يا دكتور..


إنتقاء جميل..


سننتظر جديدكـ هنا دوماً..



دمتـ بخير..

تحيتيـ

[الدكتور ابو مهند]

مرسيه لمرورك الرائع
تحية لك وتقدير واحترام