[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
لو كنت قايد معركه وأبطال=ما كان مات اب/سيفي إلا الزير
الفلسفه خيل ولها خيّال=سيفه قلم ف/إمواجه التغيير
لو إنْ بيرك ياعطش آمال=عطش ولا به ماء بجوف البير
مابين حلم وواقعٍ محتال=كبى به إحصانه وطاح آسير
لو إنه أبقى شيء للأجيال=مافيه شيء أبسط من التفكير
هنا نقول إن الحمول إثقال=وألا نقول إن القلوب اتصير
في صدر لا يقبل من الإذلال=أفضل طريقه تصنع التأثير
شفني بعينك وأشبه التمثال=اللي وقفت إل/هيبته واتشير
بأصابعك واتقول هذا حال=اللي قضى عمره خلاف الغير
وأسطورتي كانت نتيجة بال=مايستريح إلا معَ التفسير
للواقع اللي صار مايحتال=إلا على الطيّب وبه شرير
واللي بعينك يارقيق وسال=ماتدري هو للشر وألا الخير
لو كان شفتي دمعتين الضال=ما كان قلتي دمعتينك غير
الفكره اب/راسك وأنا من قال=إنسان لكن تستطيع اتطير
شف كل شيء إيحيط بك أطفال=حتى الجماد اللي عجز لا إيْسِير
هذا الشعور أجمل من الإهمال=اللي صنع خِفّه بريش الطير
موضوعي أكبر من عقل جهّال=فكره وللتأكيد بيت آخير
دايم تخلّد قصه الأبطال=والمخرج أكبر دور ف/التصوير
[/poem]