السلام عليكم ورحمه الله وبركاته
اش الاخبار وعساكم بخير ..؟
هذا وانا اختكم امس رحنا للبر وكان اخر وناسه ولدت ناقتين دخلت بالمراح ولقيت وحده تمشي بشويش قلت لزوجي هذه شكلها جاها الطلق قال لا باقي عليها وانا ارفع يدي للسما واقول ( اللهم ياخالق النفس من النفس ويا مخرج النفس من النفس ويا مخلص النفس من النفس خلصها ) وخرجت من المكان اللي متجمعه في الابل ورحت اجري والعب شويه جاء زوجي يقولي وربي لو اقولك شئ ما تصدقين الناقه اللي دعيتي لها ولدت << قلت له اجل انتبه مني ولا تزعلني ولا دعيت عليك ^_^
المهم كثرت بالهرج فأليكم الصور
هذا بدري عصير ميت على قول جدي يعني قبل المغرب بحاجه بسيطه
وهذا التيس ازعجنا واحنا بالسياره من كثره صياحه وفجعني مرتين ^_^
هذا طبعا عداد الجيب من وصلنا قلت لزوجي مالك صلاح بالسواقه وشويه قلت له لحظه بصور ووقفت السياره وصورت << السواقه قمه المتعه ^_^
وهذا طبعا الحطب .. ونسيت اصور الحجار اللي يحطو عليها القدر ونسيت اسمها بعد
وهذا حوار صغير عمره يومين .. شكله يجنن واليف وهـ يهبل
وهنا طبعا صوره الغرووووووووووووووب
هذه طبعا جلاست ولدي الخاصه بالرحلات
طبعا هذه طاسه الحليب والله يهديني جيت اقوم وطاح فيها من عباتي تراب
هذا اللي دعيت لأمه وجابته
هذه صوره عجبتني مررررررررررررره
وهنا ماشاء الله نبار الرحمن
وطبعا هذه صوره وليدي زينت الرحله وهو على الحوار صغير
ماشاء الله لا قوه الا بالله
واتمنى يعجبكم الموضوع وتعجبكم الصور
ودمتم في حفظ الله ورعايته
الشرطيه