[align=center]اسعد الله صباحكم جميعا
قصديه جديده واتمنى تحوز على رضاكم[/align]
[poem=font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحبيب اللي ابتعد عني وضيّق بالي=وانقطع حبل الوصل من دونه ومن دوني
علّـني واحرق فوادي واستوى غربالي=لين حتى انه فرآ صدري وجن جنوني
و آه يا حظٍ جعلني فالزمان إلحالي=منّه اعروق الخفوق المنجرح لاموني
ساقني حظ الردآ صوب اللهيب الصالي=وما بقى الا اطر جيبي كني المجنوني
خانني التعبير عند اللي غلاه اولآلي=بكلمةٍ ظنّيت فيها و خيّبت لي ظنوني
قلت روح وصد في فالك وانا في فالي=واحذر افكارك ولو فالحلم لا يطروني
قلتها من زود حبي له ويا عزّالي=ليت قبل يقولها الساني كلته اسنوني
قال تبشر والطلب يرخص عشان الغالي=وابتعد عني يدرّج خطوته بالهوني
كني ابـ قفـّايته عني فقدت عيالي=والله ان خطواته وتنهيدته بكّوني
ما وعيت الا وانا من فوقٍ بيدٍ خالي=ما معاي الا تندّامي و دم طعوني
هو يحسبني رخصته جعل ماله والي=ما درآ بأنه يساوي في غلاه اعيوني
وما درآ بأنه خذا فالقلب صيتٍ عالي=وما درا بإنه ملكني وصرت له مرهوني
ليه يقفي ؟؟ كان يستوجب عليه اجدالي=وليه خلاّني وبيّح للعرب مكنوني
اقسم بربي لو انه قال ما يحلالي=بعدك .. وهجرك .. وحط ايديه فوق امتوني
لأنحني واقبّل إيده وافتديه بحالي=وارتجيه المعذره لين إيعرف مضموني
لكن اقفى وانهدم دونه جسر لـ آمالي=ولا ترك لي غير لوعات القهر واغبوني
والدموع .. ان جرّ صوته عيضه المنهالي=ايه ابآك .. وطامع ابـ لآماك يا مظنوني
زال وصل اللي هويته والغلا ما زالي=مشيّدٍ له في صدر صدري قصر وحصوني
حافظ اطيوفه معي بـ اقفايتي واقبالي=واشكي احوالي عليهم لو ما يوحوني
لو قيل انه نقص عقلي وزاد هبالي=قلت سمّوني على ما ودّكم سمّوني
والله وبالله لو ان كل البشر عذالي=في طيوف اللي ملك دنياي ،، ما هزوني
دام راسي حيّ والبس غترتي وعقالي=ما يفارق طيف محبوبي رموش عيوني[/poem]
[align=center]وسلامتكم ،،
ابن هندي
،،[/align]
[/align]
رد مع اقتباس
:p :سوسي: 
