[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الورد يبقى ورد ماضره الطين=والشوك شوه منظر المزهريه
انا موادع بس جيت اقضي الدين= لوكان راع الدين مني وفيه
طرى علي يوم اصبح الليل ليلين=واستنزفت خضر الطعون النديه
قامت تذكرني بحمر السكاكين= من كافرٍمااكفاه كذبه وغيه
ترقص براسه مومسات الشياطين=عقرب ولكن سمها سم حيه
اشفق عليه احيان واقول مسكين=مثله ضعيف ولا له المقدريه
يوم انهم صكوا عليه البعيدين=جاني يدور فزعتي والحميه
الله وامانه يالرجال الوفيين=كنت احسبه خيٍ تعزوى بخيه
وقفت في وجه الرجاجيل ياحسين=ماهو على شانه عشان السميه
والا اعرفه لاطيب لاصدق لادين=ياهو قريب ابليس ياهو خويه
عندي على هرجي علو م وبراهين= شعرٍ كتبته يالخوي في يديه
واليوم اشوفه صار شيخ السلاطين=خذله شوفه واستباح الخطيه
يذبح ويصلخ بالخطا فارس الفين= مدري متى غدى زبون المنيه
السن حقه سن والعين بالعين=والارض هذي موحشه سرمديه
والله يالولا حشمتي للعزيزين=اني لا اقطه بالبحور الهميه[/poem]
قصيده من القديم اتمنى ان تنال رضاكم
رد مع اقتباس
