[poem=font="Simplified Arabic,5,darkred,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياخاطرن منت بعلى كيف راعيك = يومن تطيب وعشرة ايام بايـق
لا خيب الله في خويك مساعيك = يومك تبيه يعدل الكيـف رايـق
راعه مدامه بالمواقف يراعيـك = مادام مابينـك وبينـه عوايـق
وان كان تنعاني فلاني بناعيـك = حتى ولو بانت كثيـر الحقايـق
تعال واقلط قلبي اليوم داعيـك = اشرب فناجيل الغلا لا تضايـق [/poem]
[poem=font="Simplified Arabic,5,darkblue,bold,italic" bkcolor="transparent" bkimage="backgrounds/45.gif" border="groove,4,darkred" type=1 line=0 align=center use=ex num="0,black"]
يشعر حديث الصمت في ساعة البوح = بالصدمه اللي زلزلـت كـل امانيـه
مادام لا مرتاح وان بـاح مفضـوح = يبقـى ذليـل وكـل مافيـه ينعيـه
دوم الخطا مابين الاحبـاب مدمـوح = لكن خطاي اليـوم كبـرت علابيـه
خطا خطا واكثر بـلاي انـي انـوح = يوم ان عذري صد عنـي واناديـه
اقول تكفى قلبـي اليـوم مجـروح = ويغضي وكنه ماعرف مـن يحاكيـه
بلسم حديثـه بالمعاليـق مطـروح = الـزاد مـر وكـل ماجـاع يعطيـه
الصوت من بعض السواليف مبحوح = والصدر ينهت بالقهـر قـل واليـه
والعلم لا جانـي ولا منـه مصلـوح = والصدق وينه مابقى غيـر طاريـه
هذي مشاعر صادقه كلهـا وضـوح = من يوم حضرت قلـت لبيـه لبيـه
كتبت آهاتي وضيقـي علـى لـوح = واللوح مـل وبيـن اليـوم خافيـه [/poem]
رد مع اقتباس
[/mark]
-new.gif)
،، وَتَحِيَّة ،،
