قصة إمرأة خان فيها الزمن
وزوج ظالم نكر كل معاني الصدق والاخلاص
[poem=font="Arial,5,white,bold,italic" bkcolor="black" bkimage="" border="double,5,white" type=2 line=0 align=center use=ex num="0,black"]
خذ الطهر كله وعطنـي الخيانـه=محتاجه اكذب واتغيّـر وأخونـك
حفظت سرك مثل حفـظ الامانـه=ولا بان في قلبك ولا في عيونـك
سرك دفنته وسط صدري وعانـه=مثل الأسير اللي قيوده تصونـك
كنت احسب إني طير عليت شانه=تهـواه وتحبـه تهـدّه بكونـك
كنت انكسف لاقلت لـي يافلانـه=اخجل وانا احسبني غلاك وجنونك
يا ما رسمت أمال فالبحـر دانـه=خيبت ظنـي خيـب الله ظنونـك
ياما على خدي لطمـت الميانـه=لا حـي لا ميـت ولا ينعشونـك
أجبرتني أعرف معانـي الاهانـه=وافرش لك الضلعان والجم دونك
حتى عيالـي مـن رداه وزمانـه=صاروا مع جور الزمن يلعنونـك
ماقلتهـا والله ارجـي حنـانـه=ماارجيك لكن العـرب يجهلونـك
هيّه كذا والا كـذا .. إلا ّ لعانـه=ماتسمع العاقل و من ينصحونـك
ياما سترت عيوب لنـي جبانـه=خوفا من اهلي للردى يشربونـك
كنت احسب المشعاب فيه الليانه=واثري على ماقيل أصبر لهونـك
ماخفت ربك في حـدود الامانـه=أزريت فيني لجل تقضي ديونـك
طلقتنـي وخليتنـي فالمهـانـه=مابين سوطك والردى سار دونك
هذا جزاء من شال حبك وصانـه=جهز جوابـك للـذي ينشدونـك
ماهمني سواته وفعلـت جنانـه=لنّك ردي مـن فعلتـك يعرفونـك
ملتـك كذبـه واعتناقـك ديانـه=واجب عليك الغسل وترجع ركونك
[/poem]
رد مع اقتباس
