[align=center]هي لقلوبكم الطاهره 000 واتمنى أن ترتقي لذائقتكم :
[ramv]http://www.bh2day.net/medialoader/midi2/ashaaaam.rm[/ramv]
للحفظ والتحميل اضغط على زر الماوس الأيمن ثم حفظ باسم :
http://www.bh2day.net/medialoader/midi2/ashaaaam.rm[/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="double,4,black" type=1 line=1 align=center use=ex num="0,black"]
ياليت عندي في رصيدي ملايين=وادخل بها في سوق الاسهم علاشان
ارفع بها الشركات وانقذ مساكين=تعلقوا تعليقتن شانها شان
طبوا وهم صاحين وامسوا مجانين=يمشون بالشارع ومن غير حذيان
توهقوا توهيقتن فالها شين=وبعض الهقاوي تجعل الشخص عميان
خسروا 00وروس اموالهم كلها دين=مدبولتن تدبيل من عند ديان
والبيت مليان ٍ حريم ووراعين=مصروفهم يقطع قويات الامتان
صاروا من صدوف الليالي حزينين=لاوالله الا 00 روحوا في خبر كان
راحوا ضحايا في يدين الخبيثين=شلة هوامير ٍ تلاعب بالاذهان
تنهب دراهم شعب مثل الشياطين=وترفع سهم شركه ولو كان خسران
لكن انا بنخى زعيم السلاطين=بو متعب اللي للصعيبات مزبان
وانخى ولي العهد سقم المعادين=عضيد ابو متعب ويمناه سلطان
ملوكنا نفخر بهم فالميادين=اهل الوفا وافعالهم خير برهان
إلكم ولا 00 والكم غلا 00 يالعزيزين=غلا حقيقي مايجي فيه نقصان
تبصروا في سوقنا يالميامين=لابد يرجع سوقنا زي ماكان
لاهان ابو متعب زعيم الشجيعين=صقر العروبه للشكالات عنوان
اللي مشى حبه بوسط الشرايين=محزم ظهر شعبه على كل الازمان
له فزعتن تشهد بها الهند والصين=غيث ٍ على كل المناطق والاوطان
تكفا يابو متعب ترانا مصابين=افزع لنا يامسندي ياكحيلان
من سوق الاسهم صابنا الهم والبين=والقلب من شغل الهوامير مرضان
احمرت الشركات واحمرت العين=امن النظر في شاشة ٍ كلها احزان
سوقك يابو متعب يبي دعمك الحين=عوايدك فعل المكارم والاحسان[/poem]
[align=center]وسلامة الجميع[/align]
رد مع اقتباس
