[img]http://loov3.********************************************/saaaahm11.gif[/img]
منذ فترة طويلة وقصائدي غائبة عن المنتدى الشعري ...
واعتذر من الجميع وخصوصاً مشرفي الشعر ....
وعسى أن يقبلوا اعتذاري بهذه القصيدة ..
والتي أتمنى أن تنال إعجابكم جميعاً ...
إليكم الأبيات :
[frame="7 80"][poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يوم ودعنّي تلعثم في كلامه =وشفت فعيونه دموع الحب حيّه
دمعته سالت وفوق الخد شامه = وضاع قلبي بين ذيك وبين ذيّه
ما قويت أقولّ له( مع السلامة ) = قلت من زود الوله ( يا الله حيّه )
اختلف عقلي بدال اسأل علامه = جيت له مبسوط أبي منّه هديّه
ما صحيت إلا على نبرة سلامه = ثم أقفى وراح والصدمه قويّه
من يرد العلم لا سكّر لثامه = عن شفاة التوت تحت المخمليّه
ومن يرد العلم لا غطّى قوامه =بالعباة وصد عن شوفة خويّه
خلي اللي ماخذٍ أعلى علامه = وسط قلبي ما نزل عن بنط ميّه
فارضٍ حبه وشوقه واحترامه =ويبطي اللي ناويٍ بيصير زيّه
يذكر اسمي قبل ما يذكر عمامه = والحقيقة عدنّي قبل الحميّه !!
لا نشدني وش كبر ساحة غرامه =قلت له أكبر من الدنيا شويّه
ولا نشدته كيف يوصف لي هيامه =قال لي مثل الزهر والمزهريه !!
ولا طلبته بس يعطيني ابتسامه = ما اسمع الا همسة الضحك الخفيّه
ما سعى بي يوم في درب الندامه = ولا تركته يوم وعيونه شقيّه
وما ابتليت ( الملح ) و ( طقوس الوسامه ) =وما امتهنت الشعر في علومٍ رديّه
بدويٍ ما يحب إلا الشهامه = ساق روحه لاجل محبوبه عطيّه
ومن يلوم القلب يذخر بالملامه = ما درى اللي يلومني وش صار فيّه
خافقي لا شافه يجوّد حزامه = كنّه اللي ماخذٍ فيني وصيّه
لا طلع نور الصبح يجلي ظلامه = حنّ قلبي للحدود الساحليّه
أقرب من ( دبي ) وحدود ( المنامه ) = وأبعد من حدود ( برج الفيصليه )
بإذن ربي ما يدور اليوم عامه = غير أنا ويّاه في الديرة سويّه
وإن قاله الله لا رجع لي بالسلامه = لاحضنّه وأقولّه ( يا الله حيّه )[/poem][/frame]
تحياتي للجميع
سهم المنايا
شكراً أخي الغالي .. هيلب على تصميم البطاقة