سنين العمر وأيامي.. قليله لو أقول تفداك..
أنا أيامي من أولها.. فدا نظرة من أعيانك..
كبيره لحظتك وياي.. أبي اكتبها في الأوراق..
عشان الوقت لا مر بك.. تذكر ماضي أعوامك..
أبي لي باقي من عمري.. أعيشه يالغلا وياك..
أبي هالعين من شوفك.. تعيش اف فرحه تهنى بك..
كلها راحتي قربك.. طبيبي انت والترياق..
روحي تستشف رضاك.. وقلبي بس يسلى بك..
حبيبي هاك سلمتك.. مشاعر قلب يترجاك..
عساني يا نظر عيني.. فدا عمرك وأيامك..
طلبتك يا هنا عمري.. يا روحي ياللي في الأعماق..
تلطف بس وافهمها.. احاسيسي لي تزهى بك..
تفضل طب واتخير.. أنا كلي رهن يمناك..
تعال وسو لي تبغيه.. ولون عمري بألوانك..