سلام عليكم
صلوا ع النبي
الى متى ياليل انا وياك حط وشيل
اتجاذب الهاجس وتسهر للشقا عيني
مليت اسامر كل نجم-ن فالفضا وآخيل
ارقب عسى عن مقبلات الوقت ينبيني
لاناموا الخلق وبدا رمش الهنوف يميل
اركب على نار الحشا دلة مجافيني
الي رحل ذاك الضحى مدري بذاك الليل!!!
لا عاده الله من ضحى،،لاعاد من حيني
علق مواعيده بعيني والعزا منديل
اقفى يشد احلامي الغفلا ويقصيني
على الرجا ياكثر ماعنيت له من خيل
واسرجت له بيض النوايا صدق ويقيني
وياما حمل متني ثقيلات_ن تهد الحيل
محد_ن لمح لون الحزن محد_ن درا فيني
لو الزمن يقسى وصلفات الهبوب تزيل
ملامح وجيه البدو ماتشكي البيني
ايقنت من جفواه لاكني على ماقيل
اشره على الدنيا ونفسي يوم تغريني
اثر الهقاوي ماتثمنها يدين بخيل
لو صحت فيها ماترد الي متقفيني
ما فالهوا غير السهر ومقابلك ياسهيل
خل الهقاوي خلها مابينك وبيني
رد مع اقتباس
المشاركة الأصلية كتبت بواسطة ماجد بن بصيص
