طابت أيامكم بالمسرات
*
[poem=font="Simplified Arabic,5,black,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
أنا خابر ان البوم دايم يعقب بوم = لكن بلاك الحر لا جابله بومه
طعني بفعله يا جماعة ولد زيزوم = بشلف ٍ بصدري طول الايام مرسومة
أجامل مع العالم وأنا داخلي مقسوم = وصفة علاجي مع هل الطب معدومة
أنا داخلي نار ٍ توقد برأس رجوم = حطبها ضلوعي لاقرب الناس مكتومة
اغيب عن العالم بداخل بحور أعوم = لذيذ الكرى عيني ترى منه محرومة
أشوف الرقاد بداخلي كا لسراب يحوم = اجيه ويبعد خطوته مبعد ٍ حومه
من شافني يقول يا ظنتي منجوم = انا ما نجمت وعندي الناس منجومة
انا مالي الا الصبر واصبر وانا المظلوم = لكن نفسي تكره الصبر وهدومه
فجعني بفعله تقل ماله اهل واسلوم = تقل جاهل بفعال جده مع اسلومه
زمان العجب وشفيك ما ترحم المفطوم = ورى ما تفرق بين طفلك ومفطومه
يدين الرخوم طول شيءٍ شبه معدوم =طليقة ايديهم دوم ماهي مب محكومة
برأس القلم والنوط الازرق تجيك علوم = تجيك العلوم بداخل الظرف مختومة
بشوتٍ أهل ما تسرك عسى ما تدوم = بشوت التباهي بالشتم دوم مرجومة
بشوت ٍ اهلها كان ما تقضي الملزوم = تذوق النكاد ودايم النفس مهمومة
أذا أنه له القدرة على نصرة المعدوم = ترى ماله اية عذر والناس مرحومة
أشوف الحرار موقعة ماتعرف الحوم = تدور السنة ما عاد تذكر لها حومة
الا يا زماني من هو اللي غدا محروم = ترى النفس ما هي من خطأ الوقت معصومة
ترى اطيح ثم أقوم وأطيح ثم اقوم = ترى أخاف طيحة عقبها تصعب القومة
رجائي بعزيزٍ مثلنا ما يعرف النوم = عزيزٍ يجازي كل عبدٍ على صومه
[/poem]
------------------------------------------------------------------------------
رد مع اقتباس
