[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
نور القمر في خَبْت راعِيْه سهران=ماهو مثل نور القمر ف/المدينه
جو المُدِن لو يَعْشِقه ألف إنسان=مازان في قلب الشقاوي وعينه
والشاعر اللي مَعْ قوافِيْه طربان=لو تسإلينه ويش تعني سنينه
أحيان قلبه يمتلي صدق وإيمان=وأحيان ينسى لا دعيتيه دينه
فقير لكن داخله ألف سلطان=يحتاج لكن ما يمد إب/يدينه
يشوف بأصحابه إذا ضاق عدوان=ويقدّر أعدائه مثل والدينه
قلبه وطن واسياسته غير الأوطان=أكبر من التفكير بمواطنينه
يسلّي إجروحه معَ كل سكران=ويصحى وهو لا زال يذكر ضنينه
هذا أنا لو جيتك اليوم ولهان=أدري بأني شخص ملعون طينه
الشوق في قلبي ملا كل الأركان=مهما خذيتي مِنْه تستاهلينه
واللي بلاه الله بالحب ينهان=لا صار مافي الحب غير الغبينه
مثلي وأنا أول رجل يعشق إنسان=يستكثر الدمعه على عاشقينه
إذا طوى الذكرى على شان نسيان=عاد الزمن صفحة شقاه وحنينه
أصد عن دربه على شان تنصان=الدمعه اللي في عيوني رهينه
يقول ماأعطاه الزمن غير حرمان=والحاجه اللي في ضميري تدينه
كل ماقطفت الورد من حُضْن بستان=لقيت باقي الورد في راحتينه
قولوا له إني كُثْر م/أغليه أحيان=أحتار ف/التفكير بيني وبينه
كانه ملبّسني معَ البعد نكران=باقول له حاجه عساها تعينه
إني معَ إنْ ربعي هل السيف والشان=رجل يثور إنْ شاف حاجه تهينه
لجل كذا ماني مطوّل على شان=ياتاخذين القلب ياتتركينه .!
[/poem]
رد مع اقتباس
(الحزن الرغيد)
المشاركة الأصلية كتبت بواسطة الحسن ال منصور
