ياوزير النقل سلام تسليمٍ حشيم
.. صافيٍ منهله مثل العسل حلو المذاق
بعدها بسم الارامل ولوعات اليتيم
.. وبسم طفلٍ فالعناية وضع مابعد فاق
وبسم صرخة شيخ قلبه على اولاده وريم
.. وبسم عرسانٍ توفوا قبل لحظة عناق
جيت وانا الحزن في داخل اعماقي مقيم
.. بعد ماضحى بين نومي ونومتها شقاق
جيت بسم اهل الجنوب الموشح بالسديم
.. واسم من يحمل احاسيس ومشاعر رقاق
جيت بسم الكل واقول قولٍ فالصميم
.. فاستمع للعلم والشرح ياتي فالسياق
نبغى خطٍ مثل خط الرياض الى القصيم
.. سهل للراكب ويرتاح من جابه وساق
عندنا وش عندنا عندنا الأمر العظيم
.. عندنا دربٍ لسيارةٍ مدري زقاق
سيدي والوضع يحتاج بعد السين جيم
.. بذمتك هو خاطرك صافيٍ والفكر راق؟؟
كان كشف وزارتك وصل وان قلبك رحيم
.. فالضحايا فيه كثر الضحايا بالعراق
وكان ماوصلك يقين الخبر بأمر الصريم
.. وان مندوب الوزارة تعود عالنفاق
فالرجاء منك تجي بر وتشوف الخصيم
.. خطٍ اصبح لونه احمر من دميّ الرفاق
وشاهد وحس بالمنا جديدة والقديم
.. دون تضخيمٍ وتحجيم من دون اختلاق
شف مراسيم العزى واسمع نواح الحريم
.. وحسرة اهلٍ فقدوا غاليٍ قبل التلاق
ثم قرر بعدها فانت ابوها والغريم
.. واحنا في حروى القرارات نامل باشتياق
الهلال الاحمر اصبح عميلٍ مستديم
.. لاتصالات الاهالي يقولون اللحاق
حادثٍ لمعلملت العلاية في دحيم
.. موتن ماغير سواقهن سلمان باق
وحادث اهل الليث خلا اربعه مثل الهشيم
.. واللي سلم انشل والا غدى شخصٍ معاق
ولو رأت عينك تجهام سلمى بنت ريم
.. بعد ماحلت عليها تهاويل الفراق
فقدت بوها على خط جيزان السقيم
.. ولا التقت من جثتة غير جمجمة وساق
سيدي ماكل من قاد مركبةٍ غشيم
.. الا من خطٍ توجع من الزحمة وضاق
فكشر انيابه في اصباح يومه والبهيم
.. يحصد الارواح من دون عقدٍ واتفاق
سيدي ان كان ماجاك من دنياك ضيم
.. فالله انا عايشين بوضعٍ مايطاق
كانك مرتاحٍ مابين الوزارة والنسيم
.. فاحنا صوب المقبرة كل يوم في سباق
وحنا والله مانبي غير توجيه سليم
.. يحفظ ارواح ابرياء دمها دايم يراق
مانطالب غير في حق يالرجل الفهيم
.. واعلم انا من وزارتك نتحمل مشاق
مانقل ردوا لنا ارواح في منهم رميم
.. الا تكفى رشد اللي في التخطيط عاق
من رحل عنا عسى ارواحهم دار النعيم
.. ومن بقي ترهم امانتك وعليّ الطلاق
رد مع اقتباس
