اضيَع طفش .. !!

السلام عليكم ورحمة الله وبركاته


مبطي ماشاركت وقلت اشارك


[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شاعر تغنابه الابيات واعطى طنش = ولا صد عنها عمد قامت تحايل عليه
قصيدته لاسرى ساريه ولا غبش = خطوى هنوفٍ تبين ود من تهتويه
ماكنها الا القمر في ليلة اربعطعش = من غير لاهو يجيها في وعدها تجيه
يصافح كفوفها اللي من حيا ترتعش = ويضيع في حسنها الفتان وتضيع فيه
يلفت له انضار وقلوبٍ ملكها الدهش = وهو وين ماهو يوجه ضيقته تحتريه
يقول لامن بلش فيها كذا وابتلش= تبت يدين القصيد اللي مابيه وابيه
هو الله اللي عن جروح الليالي نبش = يومني اجر صوتي وابتدي وانتهيه
في عالمه شي من كذب ونفاق وغشش = وذنوب لو ماقتفاها الادمي تقتفيه
من يوم لج الفضا ضالو عليه الحوش = والكل منهم يبا ياكل بكلتا يديه
حطو كرامته تحت رجولهم واخترش = وطقوه طق اليهودي والعنو والديه
ويحول من بينه وبين النوادر غبش = وتقفي عليه الشلاليه بما تقتضيه
والقاعده وش تقول تقول ( طنش تعش = مالك ومال المصير اللي مئاله اليه
وانا معه في كلا الحالات ليه اندوش = لاصار ماعاد يعنيني وانا ماعنيه
ان جيت اضيَع طفش وان رحت اضيَع طفش = واللي بقالي منه بعضه ماهو كلبيه
[/poem]

وسلمتوو,,

فراج العتيبي ..

حياك الله يافراج ,, مبطين منك ومن قصيدك

ماكنها الا القمر في ليلة اربعطعش
من لاغير لاهو يجيها في وعدها تجيه

ركز في الكتابه طال عمرك هههههه وش لا غير؟؟


ان جيت اضيَع طفش وان رحت اضيَع طفش
واللي بقالي منه بعضه ماهو كلبيه

وش كلبيه يافراج؟؟ عقب البطا صاير جنوبي!! شف من انت معاشر اربعين يوم هههههههه


فراج العتيبي ..

صح لسانك ولاهنت على هالرائعه

ابقاك الله يابو ضاووي

صح الله بدنك ولاهنت

اسعدني تواجدك والاخطاء الاملائيه تم تعديلها

كلبيه عاد مشها هههه

الله عليك يافراج

تشبع القارئ شعر

ماهو غريب عليك الابداع

لاعدمتك ولا عدمت تميز حرفك

دمت بماتحب واكثر

لله درك ياجزال ..

وصح كلك يالشيخ .

صح لسانك
ولاهنت

سامي

صح بدنك