أهلا بكم أحبابي في الله المتابعين ,.
اليوم بطني ما زال متخوماً من إفطار ليلة الأمس الله يعيد رمضان علينا أعوام عديده ,,
السفره ماشفتها من كثرة الأكل ولله الحمد .. بس أحس إن فيه إسراف وخباله ,,
بطني هو هو بكل الشهور ما توسع !! ليه في رمضان تكثرون العيشه ,,
من زود التخمه إذا ركعت أو سجدت أحس السمبوسه بتطلع من خشمي ..
,,,,
,,,,
,,,,
حبيبتي عمشا 2
..
...
صباح فيه شقشقة الطيور وزقزقة البعارين ,, وصياح الديك المسطول ,,
وأسميته الديك المسطول لأني أصب له بنزين بدل الماء لأنه كسول مرره وودي ماطوره يحرق كثير ههههه
والآن أصبح يصيح هكذا (( طاااط كوكوكوكو بييييب كوكوكوكو))
وجدي ينقر خشمه في فراشه باقي ما قام من بعد صلاة الفجر وهو في الفراش ..
وقاعد يحفر خشمه ,,
عرفت إن عنده شي مشغل فكره وباله ,,
قلت لازم وحتماً ولا بد أروح له وأشوف وش فيه ,,
جيته وجلست جنبه وسحبت يده من خشمه لقيته دآخله إلى كوووعه ,,
بندر \\ جدي وش فيك عسا ماشر ماغادرت الفراش من الصلاة لا تكون مريض إن شاء الله ؟
جدي \\ قوم عني هناك يا ورع .
( هنا بغيت أحط رجله في خشمه ) بس قلت حراام جدي وفي مثابة ولد خالتي ..)
بندر \\ أنا موب ورع يا جدي عادي فضفضلي وأنا كلي خشم صاغي يؤ قصدي أذن صاغيه .
جدي \\ طيب يا الورع الكبير بأقولك وش فيني ..
أنا أحس إني آخرتي قريبه يا بندر وأبوك ذا من يوم سافر منذوو مبطي مادري وين ديرته هو حي أو ميت
وعندي حلال ومال يبيله أحد يورثه وأنا ماعندي عيال من يورثني ويحمل أسمي .
بندر مقاطعاً لجده \\ أنا يا جدي موجود وأورثك أنت بس توكل على الله وموت .
جدي \\ أهب يا وجهك الشين قووووم عني يالخبل لأفقع وجهك وأعصره أنقلع .
( هربت من وجه جدي لأني شفته يدور العجراء وشكله ناوي يكسر عضامي )
وبعد ما لذت بالفرار لقيته باقي ما قام من فراشه ..!!
وقلت أكيد الشايب هذا بيجيب العيد لازم أعرف وش قصته ووش عنده ,,.
ورجعت له ولكن بخطوات خايف وذرووق هع العمر مش بعزقه ,.
بندر بإرتعاشة خووف \\ جدي أنا آسف بس قهرتني ليه حذفتني من قائمة عيالك ,, أنا بأشيل أسمك ورآح تفتخر بي
,,
جدي \\ تعال تعال هنا جنبي ...
( وجلس يحسس على راسي وحسيت بحنية الدنيا كلها في يده )
وأستطرد قائلاً \\ يا ولدي أنا أعرف إني رآح أفخر بك ولك كل حلالي ومالي لا تخاف وتناقز عيونك
حقك محفوظ .. بس أبي أحس بولد من صلبي يا بندر ..
بندر \\ جدي أنت موب قصدك الولد أنت شكل شفت لك شوفه ماهي طيبه أخبرك غزلنجي .
جدي \\ آآآآآه ياقلبي ..
بندر\\ سلامة قلبك أي والله إني عارف وش في قلبك عشرة غزلنجيه وأعرفك .
قول لي بس منهي هي الي سلبت عقلك ..
جدي \\ آآآآه يا قلبي .
بندر \\ عاد أخلص أنت وقلبك تراك جبت لي حمووضه ,,
,,,,
,,,,
,,,,
( فاصل إعلاني ونواصل )
(1)
مسلسل حبيبتي عمشا يصنف المسلسل الأول من تاريخ الأربعينات
قال عنه أحد المصادر الغير موثوقه ( مسلسل حبيبتي عمشا مش حتقدر تقفل خشمك )
(2)
شركة إتصالات حانآكلك حانآكلك أشحن بطاقة عشره وتحصل على عشرتك بس
فاضين لك نزود ونخسر ,,
^_^
,,,,
,,,,
,,,,
نعود بكم الآن لمسلسل ( حبيبتي عمشا الحلقة الثانية )
,,
جدي \\ تعرف بياعة البطيخ الي في سوق البلدة .
بندر \\ .؟؟؟
جدي \\ أم علي .
بندر \\ إيه إيه أنا مسميها اليوكون من ضخامتها . ( تكرهني كره العمى )
جدي \\ أنا ما ذابحني غير ضخامتها أبييييييها يا بندر أبييييييها .
( أنبطح جدي على بطنه وصار يضرب بيدينه الأرض ويقول أبيها أبيها )
بندر \\ خلاص خلاص يا جدي بأروح أجيب كم بعير ونروح جاهه ونخطبها لك هع
جدي \\ قم أنقلع يا وجه القشر أنا عطيتك وجه .
,,,...
أنا هنا حسيت أن جدي بيجيب لنا حورمه تسبب لنا زحمه في كوخنا وبيصير ما عاد يضربني هع ,,
الموهيم إنه راح وخطب وبيومين بس وعروس الغفلة بياعة البطيخ عندنا في البيت وجدي صابغ الشنب
واللحية ومسوي ولد أبو عشرين سنه .
وتقولي وهي تضرس بسنونها تقول إنها تآكلني ,
الجده الجديده \\ بندر قول لي يا جده وتراني أحبك .
بندر \\ والله تبطين يالشينه .
الجده الجديده \\ يا حرام وش فيك زعلان خلاص خلاص قولي يا ماما .
بندر \\ أعوذ بالله من شرك .
جدي \\ بندر قسم بالله لأعلقك في شجرتك الي أنت خابرها .
بندر \\ إيه أنتي جده وأنتي ماما وأنتي كل حاجة حلوه .
جدي \\ إيه خلك عاقل وراكد .
..........
وبدأ مسلسل الرعب من بعد ما دخلت هالشمطاء .
عندي إحساس إنها بتسوي مشاكل ,,,
وإحساسي ما كذب .
أسبوع بس وقالت
فطنه \\ حبيبي محماس .
جدي \\ هلا حبي فطنه
فطنه\\ وش رأيك نخلي بندر الصباح يرعى الغنم وفي العصر يبسط على البطيخ .
جدي \\ بس تعب عليه .
فطنه \\ حبيبي مو تعب خله يطلع رجال .
جدي \\ خليني أفكر .
( شفتو كيف تبي تلعب في صحتي )
وآخرتها بندر يصير بياع بطيخ يا شينها مير ..
....
وصرت بس أرعى وأبيع
أرعى وأبيع
أرعى وأبيع
إلين طلع الشيب في راسي وأنا توي صغير ..
يا ويل حالي ويلااااه ..
وأبتعد عني جدي وصار يأكل معها ... ويسولف معها .. ويضربها هي بس
ولا صار يهتم في حلاله ..
وهي وش تسوي غير أنها تذبح كل أسبوع خروف وترسله لأهلها ..
مجاعة ضباع بيت أهلها .
يعني دخلتها دخلة طمع وودها تلهف كل شي ..
وصرت أخطط كيف أبعد جدي عنها وأصحيه من غيبوبته الي هو فيها وينتبه .
إلى اللقاء في الحلقة القادمة
