جديدي بعد الغياب مع التحية @..هوى الناس..@
صلوا على محمد
[poem=font="Simplified Arabic,5,black,bold,normal" bkcolor="transparent" bkimage="backgrounds/49.gif" border="none,4,gray" type=2 line=0 align=center use=ex num="0,black"]
ضيّعت كيف النفس..ترضي هوى الناس=وضيّعت كيف الناس ترضى بنفسي
هذا بلاي انّي مقدِّر وحسّاس=وأليْن..لكِن خاطر الوقت يقْسي
فاِنْ دنّقت بعض الرجاجيل بالراس=شمخْت مادنّقت..والطّيْب يرسي
فيني من أوّل جَدّ..والذلّ ينداس=العز في يومي..والأمجاد لأمسي
في بنكي الشيمة..وفي بنك الاِفلاس=حطّيت رجّالٍ على غير جنسي
لاقوّة الحيلة ولاقوّة الباس=تغيّر أفكاري..ولاجِنّ واِنسي
عنيد..واحْسب للمكاتيب بقياس=ومن مدّ لي يمناه..مدّيت خمسي
وألاّ المقفّي..قالوا العرق دسّاس=أنساه..وأعِدّه من الكون منسي
لابارك الله خوّةٍ مالها ساس=ياجعْل ماتشرُق لها نور شمسي
خذيت من دنياي..صكّات وأتعاس=لكِنّها عندي تجارب ودرسي
وش حاجتي من غير طيبة ونوماس=أحسن لي أبقى في مخدّة وكرسي
واِنْ شفت نفسي..صعب ترضي هوى الناس=ماهو بشرط الناس..ترضى بنفسي[/poem]وسلامتكم,,,
