... درب المفارق ...

مساكم الله بالخير

،، ،،

من محاولاتي في عالم الشعر ..

اتقبل النقد بس خفوا علي تراني مبتدأه ومنكم نتعلم ..

،، ،، ،، ،،


يا بنـت هـذا زمـان فيــه الأهــوالـي
.................. الفكـر حايـر ولا أدري وش تـواليـهااا ؟!!

تعبت أفسـر خيـانـة صاحـبٍ غـالــي
.................... لا واحسـافــه على أيــامــي وليـاليـهاا

ضحيت بالأولــي كلـه مـع التـالــي
.................... وأرخصت عمري وروحي لجـل غـاليهاا

صبيت لـه الـغـلا فنجـال فنجـالــي
.................... فنجـال من دلـةٍ (ن) شـوقي مسـويهاا

وجازى يمينـي بصدٍ يبري الحالـي
.................... روَح وقـــال المحبــه ذيــك ما بيـهـاا

درب المفـارق عليـه اليـوم موالـي
..................... أجــر بيـوتـي على لحـنــه وأغنيهـااا

وإختـامها يا صحيبي بمشي لحالـي
..................... وكـل(ن) على ما يبـي رجلـه يعنيهـااا


،، ،، ،،،



تحياتي :11rob:

عجايب

صح لسانك
ماشاءا لله
اذا هذه بدايتك
فإلى الامام فلديك موهبه شعريه رائعه
دام بوحك

تحياتي

هلا بك صالح

صح بدنك والله لا يهينك على المرور الرائع

ودام نبض قلبك ..

الف شكر لك

معزوفة عذبة
ترسم خطى التميز نحو آفاق الإبداع
دام لنا نبضك عزيزتي

مرحبا لين

الله يجزاك خير على رقة كلامك

ودام نبض قلبك يا الغاليه


شاكره لك تواصلك

الله الله الله ياعجايب هذي البدايات الله يرحمنى

من دون تشاورين اهل الشعر ماشألله لاهنت والى الامام

والتوفيق حليفك ,,,,,,,,,,,,,,,,,




تقبلي ارق وازكى التحايا

عبيد الكثيري

مرحبا يا عبيد

الله يجزاك خير على كلامك

الله يعطيك العافيه لاهنت على المرور


شاكره لك


دمت بخير

اختي عجايب

صــــــح لســــــانك عدد مافي البحر من قطرة ومافي السما من مطرة,,,,,,,,.

قصيدة رائعة وتدل على تمكنك الشعري

الله يوفقك

فمان الكريم

مرحبا ومسهلا محمد


صح بدنك والله لا يهينك

شاكره ذوقك وكلامك الله يعيطك العافيه


دمت بخير

صح لسانك
بدايه رائعه ماشالله
الى الامام
تقبل مروري

هلا بك البرنس

صح بدنك لاهنت

شاكره كلامك والله يجزاك خير


دمت بخير

صح لسانك

قصيدة رائعة

لله درّك

وبانتظار جديدك

عجايب ياعجايب

صح قلبك ياعجايب < عجبها الاسم

لاعدمناك

سلام..

مرحبا ومسهلا مفرح


صح بدنك ولا هنت على المرور

والله يسعد ايامك ويجزاك خير


شاكره لك



دمت بود

الله بجد روووعه مشكووره وربي يوفقك <=

[align=center]
عجايب


صح لسانك

وإذا هذي البداية فهذا الشئ يبشّر بقدوم شاعره متمكّنه

الشعر في زخم المنتديات والمجلات والصحف والقنوات يحتاج إلى فكر جديد فقط

فمن اتقن الوزن لايكفيه ذلك

اتمنى قبل كل شئ أن تبحثين عن الفكره الجيّده وتطرقينها بسلاسه وتسلسل أفكار لكي يكتب لكِ النجاح


القصيدة رائعه وبها بعض الثقل البسيط الذي لايذكر


وفي هذا البيت :

درب المفـارق عليـه اليـوم موالـي
..................... أجــر بيـوتـي على لحـنــه وأغنيهـااا

لو قلتي :

درب المفـارق عليـه آجرّ موالـي
..................... وابني بيـوتـي على لحـنــه وأغنيهـااا

صدر البيت لكي يستقيم التركيب والسبك والحبك
وعجز البيت لكي يستقيم الوزن




اتمنى لكِ التوفيق
[/align]

هلا وغلا منوره يا فهده

صح بدنك ولاهنتي يا الغاليه

يعطيك العافيه على مرورك شاكره لك


دمتي بـود

انين الورد

يا مرحبا ومسهلا

الشكر لك على مرورك الراقي

يعطيك العافيه يا الغلا



دمتي بخير

راكان السبيعي


مرحبا ومسهلا منور القصيده

ملاحظاتك استفيد منها وانا للامانه ماعندي احد استشيره بالمره

يعني اكتب على قد معرفتي واطرحه للاستفاده من التوجيهااات

،، ،، ،،

الله يجزاك خير وبحاول المره الجايه نحبكها

بس مهو معناه اني بضبطها مره وحده << عادهااا تعلم ومنكم تستفيد .... والثقل يلازمني :(



شاكره لك



دمت بخير