المشاركة الأصلية كتبت بواسطة علي عبدالرحمن الأسمري
بسم الله الرحمن الرحيم
جديدي لكم مع التحية
صلوا على محمد
[poem=font="Simplified Arabic,5,burlywood,bold,normal" bkcolor="transparent" bkimage="backgrounds/32.gif" border="none,4,gray" type=2 line=0 align=center use=ex num="0,black"]
الى حداني من عنى الوقت صكّة=وأبطى زمان الجور يثقل كما الدين
يممّت وجهي في صلاتي لمكة=ركعة معا ركعة..وركعة..وثنتين
والله كريم الضيق عنّي يفُكّه=لو اِنّ عندي خاطرٍ لاانْكسَر شين
اضحك وهُوْيطحن بنابه وفكه=وأطْحَن ويضحك..والحكاية موازين
اصبِر وفي جنبي من الوقت حكّه=والهم حِمْل..وله كتوفي بعارين
والعمر يبنينا بلُكّه بلُكّه=والموت يفنينا..ويفرح بنا الطين
والخاتمه..كلٍّ يوجِّه لسِكّه=أمّا بعلّيين..وألاّبسجين
طريق حقّ..ومالنا فيه شِكّه=ياالله تخارجنا ليا نامت العين
واستقبلت لحدٍ لعظمك يلُكّه=قولو وأنا بأقول ياربنا آمين
واللي شكى من جاير الوقت صكّه=ترا الدوا..ركعة وركعة وثنتين[/poem]
وسلامة قلوبكم,,,
