. . . . . ( روز وجاك ) . . . للعابث مغترب !!!!
مساءكم سكر :
أنت لو تدري وش مسوي غلاك
كان ماسافرت عن عيني بعيد
وكان ماعلمتني كيف الهلاك
يستحل القلب غصب بيوم عيد
من عرفتك ماعرفت الا خطاك
وكل مرة والخطا منك يزيد
أنت تزعلني وانا أدوّر رضاك
قلب من ( رقه ) وقلب من حديد
ليتني أقدر على قسوة جفاك
وأرحل بلا حب في عالم جديد
بس هذا انته مضيعني معاك
وتفعل بقلبي مثل ماانته تريد
ضاعت ايامي واحلامي وراك
ومدري من فينا حبيبي المستفيد
كنت ( rose ) وعاشقك بالناس ( jack)
والاكيد إن كان ودك بالاكيد
تنتهي الايام مايذبل هواك
دام لك هيبة ولي قلب عنيد
ماعشق قلبي من العالم سواك
والله انك مثل دمي بالوريد
ولاوصل أنسان عندي مستواك
تمتلك بالقلب لو تجمع رصيد :
(آل مهدي والجديعي والسماك
والحناكي والفتيحي والوليد )
يعني لاتقلق مادامني هناك
حبك انته وسط تفكيري وحيد
وإن تفارقنا ماراح انسى لقاك
ومااقول بدنيتي ( هل من مزيد )