هذا ماحدث لنا .

اخواني .. اخواتي ...


من منكم لايتذكر ماضيه وخاصه اذا كان ماضي الواحد منا ( موف بارد ) <<< ياحياتي يا للون.
فأيام الطفوله لاتنسى لأنها كانت أيام رهيبه وبنت كلب <<<< تشبيه بلاغي مجنون
في هذه اللحظات رجعت بذاكرتي الى الوراء وتذكرت
أيام زمان .أيام طواقي الزري ( أم جنيهات ) وأيام
سراويل الدفه وفنايل العلاق , فحينها لم نكن نسمع
ب GAP او Nina Ricci او DIESEL او غيرها من هذه
الماركات الدخيله فكان الواحد منا يخم اللي قدامه
ويلبسه ,يعني تجد العشرة أخوه متقاطين في
سروالين وفنيله والقاعده الأساسيه عندهم ( من سبق لبق )
.وأتذكر حينها سيارة الفليت حقت البلديه وحنا
نركض خلفها كالقطط ومتعلقين فيها ومن شارع لشارع
أأأأأأأه ماأجمل تلك الأيام <<<<<<<<< الا ليت الشباب يعود يوما ً
تصدقون كنا ذيك الأيام مانعرف المكرونه بلباشميل
ولا الستيكات ولا الإستكوزا كان حدنا المرقوق
وخبز الحنيني حتى أذكر من البساطه كلها
كنا نغط البسكوت في المويه وناكله يعني
مو لازم عصير كيوي او بين كلادا <<<<<< على فكره لايفوتكم طعمه يجنن
حتى الرسوم المتحركه لم نكن نعرف سوى
الأرنب اللي يقول بيب بيب (والقطو الفااااااار بدون واو بينهم ) <<<< تغير أسمها في وقت الطفش الى tom and jery
أما الأن فحدث ولاحرج عندكم space toon مع
الوالت دزني كل يوم مع رسوم جديده غير
رسوم ربعنا الأولين .<<<<<<<<<<<<<<<< هينا نحس أن أحنا مضطهدين فعلا ً ايام زمان
حتى الأغاني وقتها لم نكن نسمع بــ Shaggyاو
Celine Dione او eminem وغيرهم بل كانت
عتاب بإطلالتها البهيه وهي تغني ( قطني الهوى قط .. عليك يامقطقط )
او سعد جمعه وهو يتغنى بأغنيته ( بسمك صرخة وصابني نشوة الزار )
او سلامه العبدالله وهو يغرد بــ ( ياعلي صحت بالصوت الرفيع )
لله درك من أيام ااااااااااااه ماأجملها بس <<<<<<< اللي يسمعني يقول ابونواس زميله في الدراسه .
حتى حزام الأمان هذا اللي مزعجين العالم فيه كنا مانربطه <<<< يحس انه بيتسطر هينا .
تدرون ليه لأن أغلبيتنا إن لم يكن الكل كان معنا
سياكل (16 ) والشنب فينا كان يركب سيكل (24)
بستثناءي كان معي وقتها دباب اربع كفرات <<<< والله انه صادق
كان جايني هديه من واحد من أخواني بعد أجتيازي
للصف الرابع وبترتيب متقدم مع مرتبة الشرف الاولى <<<< كان ترتيبه الرابع والفصل مافيه الا أربعه
( يم يم ) <<<<<<<<<<<<< طلع من لب الموضوع والسبب انه تعب نفسيا ً
ياجماعة الخير ماأبغى الأطاله عليكم <<<<<<<<<< بدري الله يجزاك خير
لكن حبيت أني أذكركم بأيام الطفوله أو بالأصح أيام أبيض وأسود



أخوكم / يم يم

وأتذكر حينها سيارة الفليت حقت البلديه وحنا
نركض خلفها كالقطط ومتعلقين فيها ومن شارع لشارع


و ربي جبتها سسسسححححححححح

الله يذكر ايام اول بالخير

نطلع الشارع و كل ربعنا اولاد اتحداك لو اعرف بنت :D

و وقت الهواش يلا الفزعة يلا :rolleyes:

<<<<<< مهيب بنت ابد و هي صغيرة :D

بس اشوا تغيرت :p

يسلمووووووووووو يم يم افندي

سوسي

ههههههههههههههههههههههههه ههههههههههههههههههههههههه



يازينها من ايام يم يم


خخخخخخخخخخخخخخخخخخخخخخخخخ خخخخخخخخ




بس احسن شي ايام الابيض والاسود



شييي



بس على فكره ابشرك


لونوا الابيض والاسود يعني مافيه مثل اول تغيرت



صارت اصفر وفسفوري



خخخخخخخخخخخخخخخخخخخخخخخخخ



يالله يسلموووووووووووو


و




صي يووووو

أخي الكبير لقد ذكرتنى بأيام الطاقية الزري يوم كان ورعان الحارة يلبسونها

في يوم العيد وقت صلاة العيد وبعدها بدقيقة يوم يسلم الإمام ولا الطواقي محذفه فى الشوارع ومافي غير شروخ العيد والله يرحم زمان ثوب العيد حده ساعة وعقبها يحترق

والمصيبة عاد السيكل ياخي ماودى أجيب طاري يوم كنت أركب فى السيكل فى الصندوق لان سيكلنا كان غمارتين وصندوق ( أخص بس يالنصب):D

الله يسامحك بس وذكرتني ببنك بانثر كان اسمه ابو الذيل بس تطور ...

أما ميكي ماوس هذا لحاله وغرندايز عاد هذا ماينشاف غير فى العيد

ذكرياتي كثيرة

فلونة

وعدنان ولينا

وسندباد

ويالييييييييييييييييييييي يييييييييل مطولك

أما الأغاني مالحقنا غير ميحد علي هههههههههههه

تحياتي لاخبل مصرقع فى المنتدى |455| <=== صورة لي من الأرشيف

هي يا ذيك الايام


اش ذكرك بحب طوته الليالي


والله ايام ما تنسي ابد

مو الحين حتي اليهال ما نحس انهم يهال كل واحد عمره 7 سنوات بيده تلفون نقال


مالت بس


خخخخخخخخخخخخخخ


يسلمووووووووووو

يم يم

( يم يم ) <<<<<<<<<<<<<<<<< يلوموني في البنات بس

الأخوات حساسه , مخاوف قلب , الرهيبه ,مجروحة الزمن

تشكرات أفندم <<<<<<<<<<<<< أسم اغنيه
على مروركن اللي أوووووووب صاحين بالحيل
وأنا عارف أني ذكرتكم بالماضي الرهيب ( الجنادريه ) <<<<< جت فباله
حتى أول تصدقون مافيه بنات ولا عيال كلنا مع بعض <<<<<<< يلمح
بس اللحين معصي كل واحد لحاله الله يعز الهيئه <<<<<<<<< موو من قلبه
حتى البنت ماتكتب رد الا بمحرم ماشاءالله

اخوكن / يم يم

ههههههههههههههههههههههههه هههههههههههه
ههههههههههههههههههههههههه ههههههههه
ههههههههههههههههههههههههه هههههه
ههههههههههههههههههههههههه ههه
ههههههههههههههههههههههههه
هههههههههههههههههههههه
هههههههههههههههههههه
ههههههههههههههههه
هههههههههههههه
ههههههههههه
هههههههه
ههههه
ههه
هه
ههه
هههههه
هههههههه
هههههههههه
هههههههههههه
هههههههههههههه
ههههههههههههههههه
هههههههههههههههههههه
هههههههههههههههههههههه
ههههههههههههههههههههههه
ههههههههههههههههههههههههه
ههههههههههههههههههههههههه هه
ههههههههههههههههههههه
هههههههههههههههههه
هههههههههههههه
ههههههههه
هههههه
ههه
ه
<<<<<<< تضحك لاخر قطرة

الله يررررررررررجك و ربي فقعتني ضحك

<<<<<<<<< ليه هو انتي بالونه :D

و ربي انك ختيرووووووووووون http://www.3tr.net/vb/images/smilies/29.gif

سوسي

ههههههههههههههههههههههههه هههههههههههههههههههه

ههههههههههههههههههههههههه ههههههههههههههههههه

ههههههههههههههههههههههههه ههههههههههههههههههه

من جد أيام زمان خبااااااااااااااااااااااا اال

لا وردك الأخير خبااااااااااااااااااال بعد ..

أما فلونا و عدنان وطقتها كنا متابعينها بشغف << صفقوني إن كان نصكم فاهمينها :)

يم يم ..... إسلوبك خطير في الصرقعة هههههههههههههههههههههه

ننتظر منك المزيد ..

أحم أحم حساسه , سهم المنايا <<<< وش يبغى ذا معنا يالبنات ؟


مشكورين على مروركم .



أخوكيم يم/يم يم <<<<< يقلد على سهم

أخي/ يم يم:

ذكرتني بأيام الصبا(الأبيض والأسود)، تصدق من قريت موضوعك جالت أمام خاطري بعض الذكريات، مثل:
1- المشق: وهو وجود طبقة سوداء متشطبة على الكفين والقدمين، جراء السباحة ي أرتال الغبار، ومطاردة البراجون(1).

2- أطباق البيض وحوض العراوي والشاني:
وهذي ربيعه وقت العيد، الناس متزينة بثياب جديدة( تترو وأبو غزالين وفنيلة أبو رحلة)، وحنا متجمعين في حوض العراوي، وكل واحد بيده بيضة، أو طماطة خايسة، وكل ما شفنا واحد رازٍ خشته شايف نفسه بهالثوب الجديد، هذا ودك بطماطة وبيضة، الطماطة في صدره والبيضة بظهره. أذكر مرة راكبين مع واحدٍ من ربعنا اللي سارقٍ سيارة أبوه( ددسن أبو هنقلين)، ومعنا طبق بيض، وكرتون طماط مرينا سوق الخضرة ولقينا لنا كرتون مليان طماط خايس>>>>> عز الطلب، وضفيناه معنا في الحوض، وما خلينا أحد إلا لزخناه بالطماط أو البيض، طبعاً اللي يحدد هذا عدة اعتبارات:السن، الكشخة، المعرفة.
وفي عز الصواريخ الطماطية والبيضية، واحدٍ منا قال تكفون ودي نمر من عند اليماني راعي البقالة>>>> حاقد عليه كفشه وهو يسرق التونة. يقول: أببرد حرتي فيه، مرني يمكن ثلاث مرات قدام البقالة وهو داخل، صرنا نمر ونصيح عليه، لين طلع، يوم طلع ويقرب منه سواقنا، ويمشي خمسة وربع، وهذا معه أربع طماطات في يديه>>>> والله من الحقد.
المهم خوينا ما قصر ثلاث طماطات في وجه اليماني، والرابعة في كرشته، المشكلة في خوينا السواق، متركي على الباب، ومشغل بشير حمد، وداخل جو، والسرعة باقية خمسة وربع، ويحذف اليماني نعاله، ويعض ثوبه، وأنواع اللحق، تصدقون وقتها حسيت بخضة في بطني، ونضرب على التندة(2)، ونصوت لخوينا السواق، وهو أنواع الأشكل، ما انتبه إلا يوم لزخناه بطماطة على علباه، وأشوى فكنا الله من جلد وتمحيط ولزخات ما الله به عليم.
كذلك الشاني أحياناً نستخدمه كيف؟ نخض الشاني لين يبي ينفجر، ثم نفتحه على أقرب واحد، طبعاً لحظتها أكيد بتكون حاط نعولك في جيوبك، والثوب مربوط على خصرك، ورجليك حاميات يدورن النحشة.

3- ركوب السيك:
حقيقة هذي أصعب مرحلة منذ مبطي، أتذكر موقف ما أنساه أبد، أخوي الكبير يقول بعلمك السواقة، يقول ما عليك حط رجليك على الدعاسات، وامسك الدركسون(3)، وما عليك، شف كيف التعليم، حطني في دحديرة(4)، وأنا أرتعد من الخوف، وهو يقول ما عليك، أهم شيء تمسك زين وما عليك، ويتركني حسيت إني أمشي مليون، والسيكل عيا يثبت ، حسيت برطوبة قلت أكيد من العرق المسافة طويلة والعرق يتقاطر>>>>>> امش يالتصريف.
ما أطول عليكم أهم شيء شمّعت في جدار، والجبهة جاء فيها انبعاج ، كل هذا ولا بكيت، بس قطرت قطرة دم من جبهتي، وأنواع البكاء.



الهامش خاص بالبستكانيين:
(1) البراجون: هو كرة صغيرة من زجاج، يدحرجها اللاعبون في إثر بعضهم، ويمغطون الشوارع(طرد).
(2) التندة: سقف العراوي.
(3) الدركسون: خاص بالسيارات وهو مثل الدفة للسفينة>>>>> فهمتوا وإلا أزيد.
(4) الدحديرة: هي منحدر من الأرض مثل الطعس>>>>> غطيت على الفيروزآبادي.

آسف للتطويل وأشكرك أخي/ يم يم، وآسف على حشرة النفس بينكم>>>> قاط بقوة.

أخوك/ فهد.

ههههههههههههههههههههههههه ههههههههههههههههههههههههه ههه
ههههههههههههههههههههههههه هههههههههههههههههه


همس المشاعر ردك يعتبر موضوع بحد ذاته يأخ العرب
بس أنواع البراءه واخوك يعلمك كيف تركب السيكل
ههههههههههههههههههههههههه هههههههههههه
أسعدني تواجدك خلف ماكتبت .................. وشكرا ً




أخوك/ يم يم

ههههههههههههههههههههه

ههههههههههههههههههههه

ههههههههههههههههههههه



الله يرجك . الله يرجك .


والله العظيم انك منسم ويبي لك تيوبلس ..




هههههههههههههههههههههه



من جد مانت بصاحي ..

ام سالفة الفليت ذي لي عندها وقفه من كثر ماندخل وراه ومن الضباب اللي يصير انواع الفلقات .. وانواع السعابيل والــــ ..... من خشومنا ..



هههههههههههه


لا ووخر عنا إذا جاء ماوكلي .. والله مافيه شجر في بيتنا إلا طمرت عليها .. وكسرت عسى المكانس اللي باللبيت وشققت ملابسي .. كله إلا اطلع ماوكلي.. لا وتلقاني بعد ماتخلص . تخنقني العبره . واتحرى بكهره على احر من الجمر ..


لا واللي صراحه كنت اموت فيها . هايدي .. من جد كنت فاك مع البنت .. واتحرى بس متى تركض عشان يرتفع ثوبها .

<<== سربوت من يوم انه .

وتشوف انواع اللي حاقدين على بيتر . لي يحبها وليه يشيلها . وودك ان عندك زي الطبيعة اللي عندهم .. بس معصي .. من يوم تخلص هايدي إلا بزارين الحاره مسنترين عند الباب ومعهم كوره ام خمس طعش ريال . ام خطوط ملعون ابو جدها حتى الوانها رايحه . ولو تشوتها يطلع غبار الحاره كله معها .

وتقوم تنطل النعال ( الله يكرمكم ) وتلعب حافي . يوم ترجع للبيت إلا بصمات رجولك على الفرشه . .. وانواع الجلد من العجوز .


ههههههههههههههههههههههه


لا وبعد عنا وإحنا بالفصل . . . مانذاكر .. وانواع التصطير في الصف . تلقى المدرس اردني وإلا مصري( عنده عقده نفسيه منهم ) ماغير يسطرك وتشوف سعابيلك مطشره من يمين ويسار .


بس الله يذكرها بالخير ايام روعه من جد .



مشكور يم يم على موضوعك الاكثر من رائع .


اخوك


بدر

هلا وغلا انا مجنونها <<<<<<<<< ماقول أعشقها بعقل مجنونها اااااااااه مجنونها


تسلملي على المرور اخوي وعلى المداخله الحلوه
( السعابيل مطشرها ) <<<<<<<<<<<<<<< مصطلح موو غريب عليه هههه