صوت وصدى .. مع الشاعر الكبير / فالح الهاجري
الأخوه الأعزّاء
للتواصل مع هذه الكوكبه المميزه
نضع بين أيديكم هذه النصوص
صوت وصدى مع الشاعر المميز / فالح الهاجري
.
[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=350% align=center use=ex length=0 char="" num="0,black" filter=""]
ياظروفه لاتحنّينه=مستعد يواجه أقداره
من ثمانه لي ثمانينه=أكفله مايبدي أعذاره
سمّي بـ / فواز من حينه=فايزٍ في كسب لآماره
مسندي لــ/ بْتلّت الطينه=وثار ذاك الليل ثوّاره
أقطمٍ تكفخ جناحينه=مايسرّ الخِرب مسياره
طالبك ياربّي تعينه =يسّر مْن الدار مِظهاره
فوق جيبٍ توّ شارينه= من حفيزه رشة غباره
فكس آر وطخْمته زينه=منية اللي ولّم قشاره
شكّله صانعْه بيدينه=من سطبّاته الى أنواره
كن هل اليابان بانينه=ساس .. سقف .. وقصر بأسواره
يسحر النظّار تلوينه=كنْه لون الفار والفاره
داخليته .. كشن .. كابينه=دُوكْرَة ديكور طيّاره
فالبلاد .. اطرب لتلحينه=ريشةٍ تلعب بقيتاره
وفي الوعرتشبه شياطينه=كلمةٍ في حلق عيّاره
من عيونه لا شكامينه=لين اصغر زر فأزراره
لي عموده لي بليتينه=واحسب أسياته وجّراره
لي رفارفه وقياطينه=لي سكوته لي تعبّاره
تكنلوجاً تسبق سنينه=ثورةٍ في الصنع جبّاره
دون جودته ومضامينه=عقّّب اللي صّر ديناره
برسله للّي عناوينه=مثل قرص الشمس وجْهاره
فالكرم تشهد له يْمينه=والعطايا ضمن أسراره
فالح و تثبت ميادينه=تنتشي بفعوله أنصاره
يامن الجالي بتأمينه=يكرمه ويقدّر وقاره
خبّره .. ماحن مخلّينه=لوالحظ المايل اختاره
لو يضيق الكون في عينه=وتغدي الأيام غدّاره
والجمل تكثر سكاكينه=والمزن تعطي بقطّاره
نسنده .. نسعى لتمكينه=لين يِكمل كل مشواره
والختم ياخفيّف الطينه=ودّعه وانقلّي أخباره
[/poet]
فهد بن عبدان
.
[poet font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=0 line=350% align=center use=ex length=0 char="" num="0,black" filter=""]
الغلا ماحن بناسينه = والعزيز يعـَّـز مقداره
والوفا نمشي على دينه = من قديم ونتبع آثاره
مرحبا باللي نياشينه = ترفعه وتشيع باخباره
بالمراجل له براهينه = من قبل تزهى به اشعاره
يا فهد لك بالخفا بينه = لا هجدنا الضيم بالغاره
ترفع المديون عن دينه = والقحط تزهر بك اشجاره
علمّك من جادت يدينه = للضيوف ومن حفظ جاره
شايبن راحت به سنينه = جعل في جنة عدن داره
ان لفاه المعسر يعينه = ما ذخر للعسر ديناره
مومنن بالله وبدينه = ما حسب للوقت واخطاره
من عرفته لين تكفينه = في المراجل ما طفت ناره
يا فهد فواز مغلينه = من قبل ياتي بفكس آره
مرحبا به من محبينه = عدّ نجمٍ لاحت انواره
راكب اللي فاق تثمينه = في المواتر وافي اشباره
ترجح بزينه موازينه = صانعه متسـيـّد ٍ كاره
فـ الورق رتـــّب عناوينه = حطّ فيها زبدة افكاره
عقبها حدّد مضامينه = طوله وعرضه و مقداره
حطّ عينه عين شاهينه = كل قاصي تسبر اغواره
والزينون مكشوف في عينه = في الظلام يشعشع انواره
والصدر والكتف معطينه = نفخة ٍ زادت من وقاره
صدر فرخ الحـرّ داعينه = وانتهض من قبل مطياره
والمكينه عند تمكينه = تقصر اللي طال مشواره
سته سلندر ميامينه = مثلها تربض على يساره
والكراسي عرش مهدينه = من ذهب محبوك ونجاره
للملك في عيد تعـيينه = من بلاد ٍ هابت جـواره
والدركسون وحوالينه = بالذهب متنعم ٍ فاره
تعجبك دِقــّــة تفانينه = صمـمـّه كارتير في داره
والبدي من قبل تلوينه = عند ناسا تحسب امتاره
بدي صاروخ ٍ وطالينه = واحفظوا برنامج اسراره
واختموه بختم تامينه = واطلبوا من الجيش طيّاره
جمّعه من عقب تهجينه = بين صـــــــــــــاروخ ٍ و سيـّاره
حطّ لونه يشبه التـينه = وابتسم للحوت بيطاره
ويوم قـرّب يوم تدشينه = كملّوه وحـطوا الشــــــــاره
واشتراه اللي ملايينه = عِدّ واحد واحسب اصفاره
ثم جيته في دواوينه = شاعر وناصيه بزياره
ويوم قدني بمدح يمينه = مجدب ٍ وارجي من امطاره
بشرّوه اللي موازينه = قال هذي أحسن بشاره
وارتبع يتبع سلاقينه = قلت يا الله تقطع اخباره
وافقته حظوظي الشينه = لعنبو من عاد مسياره
وجا وكيله يفرك يدينه = ينشد وفي عينه اعذاره
وين ابن عبدان هو وينه = قلت ابن عبدان في ناره
قال يقول الشيخ كم دينه؟ = قلت كثر النخل واثماره
في المخابي حطّ كفيّنه = ومدّ لي مفتاح سـيـّاره
قال تلقى الحوت مخفينه = خذه وانسى الفقر واذكاره
خصّك به الشيخ من حينه = لا محبّ ٍ لك ولا كـاره
بشروه بشارة ٍ زينه = وانجلى عن جوّه غـبـاره
قلت جعل الله لا يهينه = يحفظ كباره مع صغاره
يا فهد في الدرب يا لينه = دانة ٍ في بطن محــاره
من دبّي البيت ناصينه = ما حسبنا البعد واسفاره
جيت لك به من ميادينه = لين دخـلته على الحــاره
حوت تيني توّ تمرينه = ما نبيع بغالي اسعاره
لك على ما قلت مهدينه = من محب ٍ هاضت اشعاره
[/poet]
فالح الهاجري
