علمٍ يعلمه الشوير لـ شويره//رداً على الشاعر والناقده أميرة القوافي
مساءكم / صباحكم كآآدي
رداً على الشاعره والناقده أميرة القوافي
قبر السريره // .. ( مرسله للشاعر والناقد المعروف: عبدالرحمن الحميدي )
وأشكرها على ماخصتني بهِ دون غيري
وأتمنى أن تقبل هذه المتواضعه مني ولضيق الوقت أكتفيت بهذا القدر.
[poem=font="arial,5,green,normal,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""]
ياحي شعرٍ للجزاله دعاني=من راس اميره بنت شيخ العشيره
وانا لي الجزله وشعري كياني = قافي مثل سيفٍ غفا في جفيره
واخذي كلام اللي ماعمره عصاني=عقلن مدرب للامور العسيره
تَحَت نزيف الحبر علّم وبياني=وقدام عثرات الحظوظ الف خيره
ماكل موجه حدها بالمواني=ولا كل عظم يعيب بعد الجبيره
اما نراهن لا ضمنا الرهاني=وإلا اساس المال هو كل سيره
روح الندم تبقى لو العمر فاني=والمزن مانظمن نلاقي غديره
كثر الطرب ماشال سبع المثاني=وإلكل علمٍ طالبه مع خبيره
يضيع وقت اللي هزل بالثواني=ويبور مخلوقٍ طِمِع في خشيره
للحلم هدم وللقلوب الف باني=وإلكل فارس فزعته من نذيره
والوقت لو علقم حلّي اللساني=نسعى ونلقى بالتعب طعم شيره
مافيه راحه تكتسب باللياني=لا زم يعاني من تحرى بشيره
ماتاقف الدنيا بكذب الأناني=ولا ينكوّي قلب الطهر بالسعيره
ومن لايجي كله لصاف الثماني=يقعد ويرجي رحمةٍ من قصيره
ماهو كفو يسكن رهيف المحاني=كانه على العسره عظامه عثيره
وكانه بدا مشوار عقب التواني=ترى الظلام تبان به كل نيره
والله عفا عما سلف بالبياني=علمٍ يعلمه الشوير لـ شويره
[/poem]
