وشلون أعيــّـــد ... ؟!!!
عيّدية ... !!
وشلون أعيّد وتوّ الحب متوفّي // ماله سوى يوم من ودعّت جثمانه .. ؟!!
لا تقول ليه الدموع اليوم في كفّي // ضاقت عيوني ودمعي ما لقى خانه
العام يوم إن قلبك واقف بصفّي // كنت احترق له وفا وأفرح علشانه
واليوم لو جيتني بالشوق متحفّي // نفسي على شوفتك ماهيب طربانه
خلاص ما عدت معشوقي ولا شفّي // والقلب ما عدت فيه أعزّ خلانه
ما شفت منّك سوى التجريح ويكفّي // دوّر على واحدٍ تفرح على أحزانه
كتابك اللي رفعته فوق في رفّي // اليوم طاح ونسيت اسمه وعنوانه
جيتك كما النور يومك جيت متخفّي // صنتك ولا شفت من خفّاقي خيانه
ما كل قلبٍ يرّد البرد ويدّفي // كان الغلا ما سكن في كل جدرانه
قررت أنقّي خفوقي اليوم وأصّفي // الحب ما عاد بيني وبينه ميانه .. !!
.
.
.
وسلامتكم
.
.
رد: وشلون أعيــّـــد ... ؟!!!
جيتك كما النور يومك جيت متخفّي // صنتك ولا شفت من خفّاقي خيانه
جزل يا ابوعبدالله
وصح قلبك وكلك
وسلمت اناملك
والعيد عيدين بوجود حرفك
تحيتي لك
رد: وشلون أعيــّـــد ... ؟!!!
رااااائعه يا مفرح..
صح لسااانكـ..
تحيتيـ
رد: وشلون أعيــّـــد ... ؟!!!
صح لسانك يابو عبد الله
وكل عام وانت بخير
رد: وشلون أعيــّـــد ... ؟!!!
صح لسانك وبيض الله وجهك
مبدع كعادتك
وكل عام وانت طيب
رد: وشلون أعيــّـــد ... ؟!!!
صح لسانك يابو عبدالله
ولا هنت ولا هان منطوقك
رد: وشلون أعيــّـــد ... ؟!!!
ياسلآم يابو عبدالله
حضور مميز كالعاده
كل عام وانت بخير
وصح لسانك ملايين ولا يكفون
وبيض الله وجهك على هالرائعه
دايم مبدع يابو عبدالله لاهنت
رد: وشلون أعيــّـــد ... ؟!!!
عيد الله عليك يامفرح مبارك ولو هي متأخرة والعذر والسموحة
القصور منا ولك حق يالغالي وصح الله لسان العذوبة يامبدع
حتى ولو جات بهذا الحزن فانت جزل ومعانيك سامية والفاظ عذبة
مدرسة يالموسيقار في كل شي لاخلا ولا عدم.
رد: وشلون أعيــّـــد ... ؟!!!
ما كل قلبٍ يرّد البرد ويدّفي // كان الغلا ما سكن في كل جدرانه
صح لسانك يابو عبدالله ولاهنت
كلام كبير ومابعده كلام