اللعب حامي والطاروق حامي

السلام عليكم ورحمة الله وبركاته

انا من بعد غيبه جيت ادلع ربعي الشعار ،،،، عسى لاوضاع ياشعارنا ماهيب مهزوزه

انا عندي فواكه فالشعر واللي جي يختار ،،،، على كيفه يبي خوخه يابي تينه يبي موزه

عاش منظم الصف

:36_1_39[1

وعليكم السلام ورحمة الله وبركاته ... استلم يا سعيد وسامحنا على التأخير


هلا يا مرحبا يلَي تدلع ربعـــــــك الشعــــار ,,, كريمن بالعطايا والجمايل منك مــــفروزه

عجيبه دنيتك ياصاحبي تصعب على الشطار,, يموت الكادح الوافي من النكران والعوزه

مرحبا يالقناص

وستلم

هلا وبك البقاء وكرب حزامك باول المشوار ،،،، ترى الرجال من بيته يبين عقله وروزه

تفيخر في فعل كفار مافخر في فعل كفار ،،،،، جفارا ماتفيدك بالقبر صورته وغروزه

جفارا بالفعول الصامده نعرفه ياعيــَـــار ,,, وبه وقت ماينفع الرجال بندق بلا حــــــوزه

ترانا بالفعول الصادقه حنا حماة الــــدار ,,, وليا منك بغيت الصدق ماغيري ترى يفوزه

استلم

علامك ماتفيخر فالرجال اهل الكرم والكار ،،،، هل جهاد على روس القمم رايته مرزوزه


ماضنك ترمي الشارة ولا تقدر على الاخطار ،،،،، مدام ايديك لاهل الغرب يارجال محجوزه

حدن لا جارت الدنيا عليه وصاح به جــــوار ,,, عدا ثم طاحت الغتره وشقت حلقه الــلوزه

سواة الموتر اللي مانفع راعيه طول أسفار ,,, نوى بـــه للمعارض يومها واحترقت فيوزه




المحاوره مع شاعر مثلك متعه يا سعيد كما أرجو أن تكون النهايه من عندك :::

وعلى ذكر ترى جفارا من الجماعه ولو انه كافر مقطع اربع لكن ترى الرجال كفو ومن شعراء المهجر


والرجال يذكرون له قصايد واجد " باللاتينيه " ... تفيخر فيها بأفعاله وذكر ان له ربعن صناديد في جزيرة تركها



أبوه وجده وسوا البطيط مثل منتو خابرين ومن أبسط حقوقه بحكم صلة الدم نذب عنه في قصايدنا ومحاوراتنا ...



وشاكرين لكم حسن المتابعه ...

ولاهون___ يبن دلهم نبي نكمل المشوار من بعد غيبه


وماجاك في صفحتك غيري أنا يبو دلهم و أبيك بعلم
كما اتمنـــّى أنت تكون بخير وعافيـــه .

ماتحدد مستوى خابرينه راقي= مدام سعيد ابن دلهم ناســــــي

القناص اسمحلي على الغيبه ابعدت عن النت لاكن العوض في مقبلات الليالي