خلاص لاعاد ترسلي ولا ارسلك
لامانع من تعديل شكل اللقصيده مع الشكر والتقدير للجميع
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
خـــلاص لاعـــــاد ترسلي ولاأرســـلك=خــلاص مابيني ولابيــنك عــلاقه
لاصار شوقــــك من الاعمـــاق ما تلـك=مالي ومال الهوى طــرده ولحّـاقه
خلك عــلى دربك اللي تنــهجه خـلــك=وبخيت ثــابت على مـبداه واخـلاقه
تبيني اصبر عــلى تجريحــك وذلـك=مثلـي وشرواي كاس الـذل مــاذاقـه
ولـله ما الوم قــلب" عافك ومـلـك=عافــك عقب حــبه وقــوة تعــلاقه
قبل أمس من لي انآ وانت بعد من لك= والـيوم لاح الـفراق وشفت براقه
تتبع هوى روحك ونفسـك تسـول لك= زرعت شـوك الجفآ واهديت لي باقه
انسي حروف القصـيد اللي يدون لك= قصيـدي اللي كتبته بحرق اوراقـه
لا عـاد ابي شمسك ولا عـاد ابي ظلك =اغلقت باب الهوى واحكمت مغلاقه
احسن لي انساك وانت انساني احسنلك =كل يشــد ويشيل ويـطوي ارواقـه
[/poem]
رد: خلاص لاعاد ترسلي ولا ارسلك
جزل يابخيت
لله درك
وصح قلبك وكلك
تحيتي لك
رد: خلاص لاعاد ترسلي ولا ارسلك
رد: خلاص لاعاد ترسلي ولا ارسلك
صح لسانك وبيض الله وجهك عذوبة ماعقبها عذوبة بس الكلام ماودك ياابو محمد بسنيدتها عموما من كثر ماأعجبتني القصيدة كتبت لها هذة المجاراة والتي اتمنى أن تصل لربع ابداع القصيدة التي كتبها ابو محمد..
ياشــاري الجيب اركــد تــو ماحلك..وانت على الخبر طبعك مابه طفاقه
خلك على الخــبر يالمعناز أبد خلك..راكــد حليمن حكيمن عنـدك شفاقه
خصن على العشرة اللي فيها يظلك..والصحبة اللي عليها النفس تواقه
وايـاك ايـاك تقـطع في حبل وصلك..دام المشـاعـر بنبض القـلب دفـاقه
ألا اذا الخــل حـــاول لحـظة يـذلـك.. والا تـبيـن مـواري غـش ونـفـاقه
ابــوقـتـها أنته تـدل الـعـلـم ويدلـك..ومن قبل لاتشد ساقك شد لك ساقه
يابن النشاما اللي كل الناس تشهدلك..بأفعالك اللي تعدت قدرت الطاقه
يابخـيت لاتهـمك المـزنة إذا تبلـك.. وش عاد غيمن غدا ماشفت براقه
تعـل نـفـسـك ولاغـيـرك أبـد علـك.. يموت خشـمك وكـاس الذل ماذاقه
؟
ياثـقل دمـه إذا يـرجـع ويـرسلـك .. وقد قلت أنسى ترى مابيننا علاقه
.................................................. ......
رد: خلاص لاعاد ترسلي ولا ارسلك
بخيت
صح لسانك ولاهنت
ابيات جميله
رد: خلاص لاعاد ترسلي ولا ارسلك
الله الله
ياأبو محمد حلقت بنا في سماء الإبداع صح لسانك قصيدة في غاية الروعة بيض الله وجهك وفي انتظار جديدك
رد: خلاص لاعاد ترسلي ولا ارسلك
لاصار شوقك من الاعماق مـا تلـك
مالي ومال الهـوى طـرده ولحّاقـه
,
,
,
الله الله
صح لسانك يابخيت ولاهنت على هالرائعه
بس ماتلاحظ ان اي واحد اسمه بخيت يصير مبدع ههههههه
رد: خلاص لاعاد ترسلي ولا ارسلك
تتبع هوى روحك ونفسك تسول لـك
زرعت شوك الجفآ واهديت لي باقـه
الله الله
صح لسانك يامبدع
وبيض الله وجهك ولا هنت
رد: خلاص لاعاد ترسلي ولا ارسلك
مبدع يا بخيت 00صح لسانك ملايييين
دمت بأطيب حاااال
رد: خلاص لاعاد ترسلي ولا ارسلك
رد: خلاص لاعاد ترسلي ولا ارسلك
ابوعبدالرحمن اشكرك على مرورك والله يعطيك العفيه
رد: خلاص لاعاد ترسلي ولا ارسلك
اخوي سامي اشكرك على مرورك ولاهنت
رد: خلاص لاعاد ترسلي ولا ارسلك
ابو احمد ارحب ملايين
ويعطيك العافيه على المجاراه
وصح لسانك وافي يابو احمد
رد: خلاص لاعاد ترسلي ولا ارسلك
فخر اهلها اشكرك
على مرورك الكريم
رد: خلاص لاعاد ترسلي ولا ارسلك
ارحب ملاييين يالنايف
ويعطيك العافيه يالذيب على الكلام الطيب