لولزمن شلت الفشق في حزامه../..لابد من ليله وتفضي محازمك!!
السلام عليكم ورحمة الله وبركاته
قصيده متواضعه واضعها بين ايديكم ..
[poem=font=",6,darkblue,bold,normal" bkcolor="transparent" bkimage="http://www.g111g.com/vb/mwaextraedit2/backgrounds/13.gif" border="double,4," type=2 line=0 align=center use=ex num="0,black""]
الوقت هذا مختلف لك نظامه=اتبع نظام الناس تقضي لوازمك!!
حتى ولوتحفظ شروط السلامه=يمكن نتايج حفظها مايسلمك!!
الدنيا ملعونه ليوم القيامه=تاطي على الطيب وترفع هلايمك!!
تبغى لها فطنه وزودت فهامه=وكثر التجارب في زمانك تفهمك!!
وان كنت مبّلوه غفى في منامه=حصيلة الشايب خسارة تمايمك!!
ياصاحبي قلبي تزايد حطامه=زماني حطمني ولابغى يحطمك!!
لولزمن شلت الفشق في حزامه=لابد من ليله وتقضي محازمك!!
واشد غبنه في جبينك علامه=من موس حلاق اليتاما معلمك!!
وان الفرح لك قطرة من غمامه=واقبل عجاج الصيف وقشع غمايمك!!
وان الردي يفرض عليك احترامه=لوكان قدام العرب مايحشمك!!
لوتذبحه غبنه!! وتركه ملامه=مجبور تسكت عن ظليمة ظلايمك!!
وانك تجامل دنيتك بأبتسامه=وتخفي جروحك في تقاطع تبسمك!!
وانك على الفزعه تطش العمامه=واللي فزعتله يسبك ويشتمك!!
وانك تصافح من نطحك بشهامه=تدري بكرهه قبل واحد يعلمك!!
وانك تودع واحد بالسلامه=في لحظه فيها وداعه يألمك!!
وانك تذوق الذل عقب الزعامه=ويرجعك للخلف منهو مقدمك!!
ومن واحد طاريه (وانت بكرامه)=يفوز وحظك رابض مع محارمك!!
وانك تماشي في حياتك هلامه=تقل العرب مافيها حي يكلمك!!
غلطت غشيم ٍ مايكب الغشامه=ولاتنسي يالين تمحي معالمك!!
وتدفع لها من دم قلبك غرامه=من حساب عمرك والليالي تغرمك!!
[/poem]
رد: لولزمن شلت الفشق في حزامه../..لابد من ليله وتفضي محازمك!!
وعليكم السلام ورحمة الله وبركاته
عبدالمجيد
صح لسانك حتى ترضى وبيض الله وجهك ولا هنت على هالدره
لله درك
بس عندي ملاحظه بسيطه واتمنى تقبلها مني
لاعاد تقول متواضعه
اللي كتب القصيده هذي ماعنده شي متواضع
رد: لولزمن شلت الفشق في حزامه../..لابد من ليله وتفضي محازمك!!
جزل ياعبدالمجيد
لله درك
وصح قلبك وكلك
تحيتي لك
رد: لولزمن شلت الفشق في حزامه../..لابد من ليله وتفضي محازمك!!
حتى ولو تحفض شروط السلامه
يمكن نتايج حفضها مايسلمك
الشاعر عبد المجيد
نص فاخر اجبرني على الوقوف امامه كثيراً
دمة بهذا الوهج
وننتضر جديدك
رد: لولزمن شلت الفشق في حزامه../..لابد من ليله وتفضي محازمك!!
رائعه وجزله من شاعر جزل
صح قلبك 00
وادام نبضك 00
...
رد: لولزمن شلت الفشق في حزامه../..لابد من ليله وتفضي محازمك!!
عبد المجيد بن عريج ,,
صح لسانك ولاهنت
رائعه جدا وشاعر دائما رائع
رد: لولزمن شلت الفشق في حزامه../..لابد من ليله وتفضي محازمك!!
صح لسااانك مليوون ولا يكفون
رد: لولزمن شلت الفشق في حزامه../..لابد من ليله وتفضي محازمك!!
وان الردي يفرض عليـك احترامـه
لوكان قـدام العـرب مايحشمـك!!
الله الله الله الله عليك يامبدع
صح لسانك مليون ولايكفون
اخوك
مشعل
رد: لولزمن شلت الفشق في حزامه../..لابد من ليله وتفضي محازمك!!
رد: لولزمن شلت الفشق في حزامه../..لابد من ليله وتفضي محازمك!!
بوح شجي رسمته تعابيرك وحروفك