يا عل بالامر خيره !

.
.
.






السلام عليكم ورحمة الله وبركاته


صباحكم / مساؤكم شعر


أعتذر عن إنقطاعي الطويل .. وجديده أتمنّى أن تشفع http://www.tfasel.com/vb/images/smilies/smail.gif

















للحزن في صدري وللهمّ ترحاب
وما للمشاعر غير الابيات جيره
/
\
/
مابين لوعات الليالي والاحباب
قلت : ابتسم ياعلّ بالامر خيره
/
\
/
الصبر من حرّ المواجيع ما ذاب
ولا النفس من مكتوبها مستجيره
/
\
/
وسع الفضا صدري على كل الاسباب
وطهر الغمام لكلّ ضرغام .. / طيره
/
\
/
ماروح ادوّر للمعاذير .. كم باب
مفتاحها في خافقي .. هو ضميره
/
\
/
ان كانه اخطى .. للمخاليق توّاب
وان كانهم زلّوا .. عيونه ضريره
/
\
/
الناس يالجاهل .. ينابيع واسراب
ذولاك يروونك .. وذولاك ( حيره )
/
\
/
ومنهو عرف فرق الثنايا عن الناب
يدري من اللي بالمودّه .. خشيره
/
\
/
الجود بالاخلاق .. والصدق عرّاب
والطّيب .. ما يعْرف قبيله وديره
/
\
/
كلٍّ وفعله .. مابها شي ينعاب
( والهرج يكفي صامله عن كثيره )
/
\
/
يا سامع معلّم / ويا قاري كتاب
حوزوا مفاهيم الحياة القصيره
/
\
/
محدٍ جمَعْها .. لكن العِرْف مرقاب
واللي يرومه .. يرتوي من غديره






,,,

جزل ياهيثم

وصح قلبك وكلك

واهلا بك وبقلمك مجددا

ننتظر جديدك وتواصلك


تحيتي لك

الله الله الله

صح لسانك

مابين لوعات الليالي والاحباب
قلت : ابتسم ياعلّ بالامر خيره

صح قلبك هيثم قصيده جزله من جزل

دمت ودام رحرفك

..

عودا حميدا شاعرنا ..
مقطوعة عذبة تنهال بتلقائية ..

http://www.r-mbd3.com/vb/uploaded/13371_11197113788.gif



اهلا وسهلابك

سلم قلبك


بانتظار جديدك


دم بخير

صهيــل

ومنهو عرف فرق الثنايا عن الناب
يدري من اللي بالمودّه .. خشيره
,
,

هيثم التميمي ,,,

صح لسانك ولاهنت

قصيده تشفع لك غيابك
وعودا حميدا باذن الله